БІРІНШІ БОЛ

Қазақстандық пара жүзуші S10 санатында 100 метрге шалқалап жүзу финалында 1 минут 1,98 секунд нәтиже көрсетіп, бірінші келді.

Диас Азияның бұған дейінгі 1 минут 3,73 секундтық рекордын жаңартып, алтын медаль иеленді.

1956 жылдан бері табысталып келе жатқан футболдың ең беделді жеке марапатын әлемнің 20 елінің өкілдері жеңіп алған.

Аргентина мен Франция футболшылары бұл марапатқа 8 реттен ие болған. Одан кейін 7 жүлдемен Германия, Нидерланд және Португалия келеді.

Бразилия, Англия және Италия футболшылары «Алтын допты» 5 реттен жеңіп алса, Испания өкілдері 4 мәрте үздік атанған. Ал КСРО футболшылары бұл марапатты 3 рет иеленген.

Сондай-ақ Болгария, Хорватия, Чехия, Чехословакия, Дания, Мажарстан, Либерия, Солтүстік Ирландия, Шотландия және Украина өкілдері бір реттен «Алтын доп» иегері атанған.

🤔 Ал биыл жүлдені қай елдің ойыншысы алады деп ойлайсыз?

Әйелдер құрамасының мүшелері шахматқа олимпиадалық спорт түрлерімен шамалас деңгейде қолдау көрсетуді ұсынды. Бұл туралы Алуа Нұрман әлеуметтік желідегі парақшасында жазды.

Оның айтуынша, қолдауды күшейту балалар мен жасөспірімдер шахматын дамытуға, ұлттық құрамаларға жағдай жасауға және бапкерлердің еңбегін лайықты бағалауға мүмкіндік береді.

Шахматшы халықаралық жетістіктердің артында жеке бапкерлердің де көп жылғы еңбегі тұрғанын атап өтті. Сондықтан олардың үлесі назардан тыс қалмауы керек деп санайды.

Алуа Нұрман бүгінгі жеңістер жас таланттарға жол ашып, отандық шахматтың дамуына ықпал етуі қажет екенін жеткізді.

Қазақстандық пара дзюдошы Айчи-Нагояда өтіп жатқан V Азия Пара ойындарында J2 санатында 81 келіге дейінгі салмақта алтын медаль иеленді.

Бексұлтан финалда оңтүстіккореялық Ким Донхунды 1 минут 44 секундта иппонмен жеңіп, қарсыласына мүмкіндік қалдырмады.

Италиялық маманның қызметтен кетуіне команданың Ұлттар лигасындағы сәтсіз нәтижелері себеп болды. Түркия Франциядан 0:1, Бельгиядан 0:3, ал Италиядан екі кездесуде 1:4 және 1:3 есебімен жеңілді. Құрама қазір А лигасының бірінші тобында соңғы орында тұр.

Түркия ұлттық құрамасының бас бапкері қызметіне Серген Ялчин тағайындалуы мүмкін. Инсайдер Николо Скираның мәліметінше, түркиялық маманмен келіссөздер шешуші кезеңге жеткен. Тараптар 2030 жылғы әлем чемпионаты аяқталғанға дейін келісімшарт жасасуға жақын.

WBC тұжырымы бойынша орта салмақтағы әлем чемпионы Карлос Адамес 14 қарашада Zuffa Boxing лигасындағы алғашқы жекпе-жегін өткізеді. Доминикандық боксшы Сауд Арабиясының Эр-Рияд қаласында британдық Джером Уорбертонмен кездеседі.

Журналист Дэн Рафаэльдің мәліметінше, бұл жекпе-жек бокс кешінің басты оқиғасы болады. Кездесу орта салмақтың белгіленген шегінен жоғары өтеді және чемпиондық белбеу сарапқа салынбайды.

Бұған дейін Карлос Адамес WBC чемпионы атағын қазақстандық Мейірім Нұрсұлтановқа қарсы қорғауы керек болған. Алайда доминикандық боксшы Zuffa Boxing лигасымен келісімшартқа отырып, WBC ұйымынан титулды қорғау мерзімін кейінге шегеруді сұраған.

Forbes бағалауы бойынша, Криштиану Роналдудың 2026/27 маусымындағы табысы 300 миллион долларға жетеді. Оның 250 миллионы клубтан, қалған 50 миллионы жарнама мен өзге жобалардан түседі.

Лионель Месси 145 миллион доллармен екінші орында. Үздік үштікті 100 миллион доллар табыспен Килиан Мбаппе түйіндейді.

💵 Үздік ондық:

1. Криштиану Роналду — 300 млн доллар
2. Лионель Месси — 145 млн доллар
3. Килиан Мбаппе — 100 млн доллар
4. Эрлинг Холанд — 85 млн доллар
5. Винисиус Жуниор — 76 млн доллар
6. Ламин Ямаль — 55 млн доллар
7. Садио Мане — 54 млн доллар
8. Джуд Беллингем — 45 млн доллар
9. Харри Кейн — 42 млн доллар
10. Мохамед Салах — 40 млн доллар

Хорватияның Пореч қаласында өткен Ironman жарысы кезінде Словениядан келген 54 жастағы спортшы қайтыс болды. Оған жүзу кезеңінде кенеттен жағдайы нашарлап, дәрігерлердің көмегіне қарамастан, өмірін сақтап қалу мүмкін болмаған.

Қайғылы оқиға 18 қазанда болған. Жарыс ұйымдастырушылары әлеуметтік желідегі парақшасында қатысушылардың бірі қайтыс болғанын хабарлады.

Мбаппе Onze Mondial оқырмандарының таңдауы бойынша маусымның үздік футболшысы атанды

«Реал Мадрид» шабуылшысы Килиан Мбаппе журналдың 2025/26 маусымының үздігін анықтаған сауалнамасында 48,2% дауыс жинап, қарсыластарынан айқын басым түсті.

Одан кейін Жуан Невеш (11,9%), Хвича Кварацхелия (10,8%) және Ламин Ямаль (9,7%) орналасты.

Бұл марапатты былтыр Усман Дембеле, ал 2024 жылы Винисиус Жуниор иеленген еді.

Португалия құрамасының капитаны әрі Сауд Арабиясының «Әл-Наср» клубының шабуылшысы Криштиану Роналду ұлттық құраманың орналасқан жерінен рұқсатсыз кеткені үшін 30 күнге шеттетіліп, 255 еуро айыппұл төлеуге міндеттелді.

Тәртіптік жаза туралы шешімді Португалия футбол федерациясының тәртіптік кеңесі қабылдаған. Оған футболшының 30 қыркүйекте Данияда ұлттық құраманың орналасқан жерінен кетуі себеп болған. Роналду Копенгагенде өтетін Данияға қарсы матч қарсаңында командадан кеткен.

Айта кетейік, Португалия құрамасы Ұлттар лигасы аясында 15 қарашада Даниямен, ал 18 қарашада Кардиффте Уэльспен кездеседі.

Қазақстанның 15 жасқа дейінгі футбол құрамасы Бакуде (Әзербайжан) өтетін FIFA U-15 World Cup and Festival 2026 турниріне қатысатын ойыншылар тізімін жариялады.

Құрамаға 14 футболшы енді. Олардың қатарында «Барселона» академиясының шабуылшысы Кәрім Меңдіқанов та бар.

Қазақстандық жас футболшылар 24–31 қазан аралығында өтетін турнирде Багам аралдары, Гана, Гуам, Мьянма және Өзбекстан құрамаларымен W тобында сынға түседі.

Өзбекстандық ММА файтері Абдумалик «Абби» Ербутаев желтоқсан айында қазақстандық Еркебұлан Тоқтар мен Тазабек «Кракен» Баяновқа қарсы бір кеште екі жекпе-жек өткізуге дайын екенін мәлімдеді.

«Мен Hype лигасымен келісімшартқа отырдым. Алдымен Еркебұланмен, содан кейін Тазабекпен жұдырықтасамын. Нағыз көше деңгейінің қандай екенін көрсетемін», –
деді ол Instagram парақшасында.

Еске салайық, Ербутаев пен Баянов 2025 жылы OCTAGON 75 турнирінде кездескен. Сол жекпе-жекте «Кракен» қарсыласын екінші раундта техникалық нокаутпен жеңген.

Париж Олимпиадасының чемпионы, өзбекстандық дзюдошы Диёра Келдиёрова Ақтауда өткен Aktau Asian Open 2026 турниріндегі жеңісінен кейін қазақстандықтарға алғысын білдірді.

Спортшы Instagram парақшасында отбасымен түскен суреттерін жариялап, жазбасын қазақ тілінде бастады.

«Рақмет, Ақтау! Қолдауларыңыз үшін отбасыма, жақындарыма және барлық жанкүйерлерге алғыс айтамын!»
– деп жазды ол.

Келдиёрова 52 келіге дейінгі салмақта алтын медаль жеңіп алды. Финалда әзербайжандық Фарида Мирзаеваны мерзімінен бұрын жеңді.

Бұл – спортшының Париж Олимпиадасындағы жеңісінен және бала тууына байланысты үзілістен кейінгі алғашқы ресми жарысы.

Қазақстан құрамасы Черногорияның Будва қаласында өтіп жатқан World Boxing ұйымының U-19 санатындағы әлем чемпионатының төртінші күнінде екі жекпе-жекте жеңіске жетіп, тағы екеуінде жеңіліс тапты.

54 келіге дейінгі салмақта Жанель Имантаева шотландиялық Роси Свейлске 2:3 есебімен есе жіберді. Ал 70 келіде Бибарыс Әшірбай аргентиналық Сантьяго Хименес Лоссоны 5:0 есебімен жеңді.

60 келіде Данияр Ақбисенов грузиялық Сандро Капанадзеден 3:2 есебімен басым түсіп, келесі кезеңге өтті. 75 келіде өнер көрсеткен Әмір Рамазан Азия чемпионы, өзбекстандық Сухроб Рахматуллаевқа 0:5 есебімен жол берді.

Айта кетейік, әлем чемпионаты 16–27 қазан аралығында өтеді. Жарысқа 69 елден 474 боксшы қатысып жатыр.

Молдова жастар құрамасының бас бапкері Вячеслав Гожан бокстан Олимпиада чемпионы Бақыт Сәрсекбаевпен түскен суретін жариялады.

Қос маман Черногорияның Будва қаласында өтіп жатқан U-19 әлем чемпионатында жүр. 2008 жылғы Бейжің Олимпиадасында Сәрсекбаев алтын, ал Гожан қола медаль жеңіп алған.

Қазір Сәрсекбаев Қазақстанның жастар құрамасында аға бапкер қызметін атқарса, Гожан Молдова құрамасын жаттықтырады. Әлем чемпионаты 16–27 қазан аралығында World Boxing ұйымының эгидасымен өтеді.

Қазақстандық ММА файтері Дамир Төленов (12-1) Ресейдің RCC промоушенімен келісімшарт жасасты. Ұйымның мәліметінше, спортшы Екатеринбургте дебюттік жекпе-жегін өткізеді.

«Қазақ Сехудосы» лақап атымен танылған Төленов — OCTAGON лигасының бұрынғы жеңіл салмақтағы чемпионы. RCC ұйымы боксшы Дмитрий Биволдың қатысуымен де турнирлер ұйымдастырады.

Қазақстандық файтер соңғы жекпе-жегін 2025 жылғы 29 қазанда Астанада өткізіп, бразилиялық Кайко Аленкарды бірінші раундта «үшбұрыш» әдісімен мерзімінен бұрын жеңген.

Қазақстандық боксшы Айдос Үсенов Черногорияның Будва қаласында өтіп жатқан U-19 әлем чемпионатында румыниялық Разван-Йонуц Пэнаинтені 5:0 есебімен жеңді. World Boxing ұйымы қазақстандықтың сенімді өнерін Instagram парақшасында атап өтті.

55 келіге дейінгі салмақта сынға түсетін Үсенов келесі жекпе-жегін 1/8 финалда кубалық Айверсон Акостаға қарсы өткізеді.

Әлем чемпионаты 16–27 қазан аралығында өтуде. Турнирге 69 ұлттық федерациядан 474 боксшы қатысып жатыр.

«Ақтөбе» клубының португалиялық футболшысы Луиш Нани қайырымдылық шарасына қатысып, алты баласы бар отбасыға жаңа баспананың кілтін табыстады.
Игі шара Ақтөбе қаласының Орталық стадионында өтті.

Бұған дейін жалдамалы үйде тұрған отбасыға баспана «Харекет» қоғамдық қайырымдылық қорының әлеуметтік жобасы аясында берілді.

Кездесу кезінде Нани отбасы мүшелерімен әңгімелесіп, балалармен естелік суретке түсті. Сондай-ақ оларға өзінің қолтаңбасы қойылған «Ақтөбе» клубының жейдесін сыйлады.

Португалиялық футболшы көпбалалы отбасында өскенін айтып, баспаналы болудың қаншалықты маңызды екенін жақсы түсінетінін жеткізді.

«Жас кезімде біздің отбасымыздың жағдайы өте қарапайым болды. Бауырларыммен бірге шағын үйде тұрдық. Кейін жаңа баспанаға көшкен сәттегі сезім әлі есімде. Сондықтан сіздердің қазіргі қуаныштарыңызды жақсы түсінемін. Адамдарға көмектесіп, олардың өмірін жақсы жаққа өзгертуге үлес қосу мен үшін үлкен бақыт», — деді Нани.

Еркін күрестен кәсіби жарыстар ұйымдастыратын америкалық Real American Freestyle (RAF) промоушені Қазақстанда турнир өткізуді жоспарлап отыр.

Бұл туралы RAF Moscow жарысы алдындағы баспасөз мәслихатында айтылды. Лига Қазақстаннан бөлек Өзбекстан, Тәжікстан, Үндістан және Қытайда да жарыс ұйымдастырмақ.

RAF турнирлеріне қазақстандық әлем чемпионы Ризабек Айтмұхан, сондай-ақ ММА файтерлері Асу Алмабаев пен Қуат Хамитов қатысады.

Промоушенде Хамзат Чимаев, Генри Сехудо, Мераб Двалишвили, Колби Ковингтон және Арман Царукян секілді танымал спортшылар да өнер көрсетеді.

Максим Самородов пен Ғалымжан Кенжебек «Динамоға» қарсы негізгі құрамда!

Қазақстан құрамасының футболшылары Максим Самородов пен Ғалымжан Кенжебек Грозныйдың «Ахмат» клубының сапында Мәскеудің «Динамосына» қарсы матчты негізгі құрамда бастайды.

Командалар Ресей Кубогының топтық кезеңіндегі 3-турда кездеседі. Матч 3 қыркүйек күні Мәскеудегі «ВТБ Аренада» өтеді.

Ал «Динамоның» сапындағы қазақстандық Бақтияр Зайнутдинов бұл ойынға өтінімге енгізілмеді.

«Ахмат» екі турдан кейін 4 ұпаймен топта екінші, ал «Динамо» 3 ұпаймен үшінші орында тұр.

Абзал Әжіғалиев кәсіби спорттағы мансабын аяқтады

Қазақстандық шорт-трекші, төрт Олимпиада ойындарының қатысушысы Абзал Әжіғалиев кәсіби спортшы ретіндегі мансабын аяқтайтынын мәлімдеді. Бұл туралы ол әлеуметтік желідегі парақшасында жазды.

Спортшы шорт-трекпен 24 жыл бұрын айналыса бастаған. Ал 2009 жылдан бері Қазақстан ұлттық құрамасының сапында ел намысын қорғады. Осы уақыт ішінде Қазақстанның бірнеше дүркін чемпионы атанып, ел тарихындағы Әлем кубогының алғашқы алтын медалін жеңіп алды.

Әжіғалиев 2014, 2018, 2022 және 2026 жылдардағы қысқы Олимпиада ойындарына қатысқан. 2022 жылғы Бейжің Олимпиадасында 500 метр қашықтықта төртінші орын иеленді. Сонымен қатар 2018 және 2022 жылдары Олимпиаданың ашылу салтанатында Қазақстан құрамасының туын алып шықты.

2025 жылы Харбинде өткен Азия ойындарында ерлер эстафетасында алтын медаль жеңіп алды.

«Спорттағы миссиям аяқталған жоқ. Тек енді ол жаңа деңгейде жалғасады», – деді спортшы.

Қазақстандық шахматшы Алуа Нұрман FIDE-нің қыркүйек айындағы 20 жасқа дейінгі қыздар арасындағы әлемдік рейтингінде екінші орынға көтерілді.

19 жастағы шахматшы тамыз айында рейтингтік көрсеткішіне 13 ұпай қосып, нәтижесінде 2455 ұпаймен екінші сатыға жайғасты.

Рейтинг көшін Анастасия Гнатышин бастап тұр. Украина өкілінің еншісінде 2463 ұпай бар. Осылайша, Нұрман көшбасшыдан небәрі 8 ұпайға қалып отыр. Бір ай бұрын олардың арасындағы айырмашылық 23 ұпай болған.

Үшінші орында Үндістан шахматшысы Дикшита Модипалли (2454) орналасқан.

Ал бұған дейін екінші орында тұрған ресейлік Анна Шухман алтыншы орынға түсіп қалды.

Айта кетейік, Алуа Нұрман FIDE-нің әйелдер арасындағы әлемдік рейтингінде де 22-орында тұр.

Жәнібек Әлімханұлы «Канеломен» жекпе-жек өткізу мақсатын және жоспарын айтты.

Қазақстандық боксшының айтуынша, басты мақсат — алдымен Хамза Шираздың белбеуін иеленіп, кейін Сауль «Канело» Альвареспен жекпе-жек өткізу.

Александр Бублик US Open-де үшінші айналымға шықты

Қазақстанның бірінші ракеткасы US Open турнирінің екінші айналымында француз Адриан Маннариноны жеңді.

Бублик қарсыласын үш сетте — 6:3, 6:1, 6:1 есебімен ойсырата ұтты. Матч 1 сағат 20 минутқа созылды. Қазақстандық теннисші 16 эйс жасап, кездесуде толық басымдық танытты.

Осы жеңістен кейін Бублик US Open-нің үшінші айналымына өтті. Оның келесі қарсыласы — америкалық Томми Пол.

Францияда «Реал» шабуылшысы Килиан Мбаппені және басқа да ауқатты адамдарды ұрлауды немесе тонауды жоспарлады деген күдікпен 18 жастағы азамат қамауға алынды.

Le Parisien мәліметінше, Клеман Л. есімді күдікті бірнеше қылмыстың ұйымдастырушысы болуы мүмкін. Оның ықтимал нысаналары арасында футболшылар, рэперлер, зергерлер мен кәсіпкерлер болған.

Тергеу барысында тәркіленген телефондардан 26 адамның аты-жөні, мекенжайы және жеке деректері жазылған тізім табылған. Олардың қатарында Килиан Мбаппе де бар.

Күдікті қылмыстарға қатысы барын ішінара мойындағанымен, өзін ұйымдастырушы емес, делдал ретінде көрсеткен. Қазір полиция тізімдегі адамдарға қарсы нақты шабуылдар жоспарланған-жоспарланбағанын анықтап жатыр.

Қазақстандық шорт-трекші, төрт дүркін Олимпиада қатысушысы Абзал Әжіғалиев 34 жасында кәсіби спорттағы мансабын аяқтады. Бұл туралы спортшы әлеуметтік желідегі парақшасында хабарлады.

Әжіғалиев шорт-трекпен 24 жыл айналысып, 2009 жылдан бері Қазақстан ұлттық құрамасының сапында өнер көрсетті. Ол Қазақстан тарихында Әлем кубогы кезеңінде алтын медаль жеңіп алған алғашқы шорт-трекші атанды.

Спортшы 2014, 2018, 2022 және 2026 жылдардағы қысқы Олимпиада ойындарына қатысты. Оның Олимпиададағы ең үздік нәтижесі — Бейжіңде 500 метр қашықтықта иеленген төртінші орын.

Әжіғалиев енді жинаған тәжірибесін Қазақстан спортының дамуына арнап, ұлттық құрама мен жас шорт-трекшілерге қолдау көрсетуді жоспарлап отыр.

Қазақстан күрес федерациясы 2026 жылғы Азия ойындарына қатысатын ұлттық құраманың тізімін бекітті. Жапонияда өтетін додада ел намысын еркін, грек-рим және әйелдер күресінен 18 спортшы қорғайды.

Құрама сапына Париж Олимпиадасының күміс жүлдегері Демеу Жадыраев, әлем чемпиондары Ризабек Айтмұхан мен Нұрқожа Қайпанов, сондай-ақ әлем чемпионатының бірнеше дүркін жүлдегері Жәмила Бақбергенова енді.

Грек-рим күресі:
60 келі: Ернұр Фидахметов — Шығыс Қазақстан облысы;
67 келі: Мейіржан Шермаханбет — Қызылорда облысы;
77 келі: Демеу Жадыраев — Алматы облысы;
87 келі: Шәміл Ожаев — Алматы;
97 келі: Ислам Евлоев — Солтүстік Қазақстан облысы;
130 келі: Олжас Сырлыбай — Қызылорда облысы.

Алдыңғы Азия ойындарында қазақстандық балуандар төрт медаль жеңіп алған. Мейіржан Шермаханбет пен Жәмила Бақбергенова күміс жүлдеге ие болса, Азат Сәдіков пен Әлімхан Сыздықов қола медаль еншілеген еді.

2026 жылғы жазғы Азия ойындары 19 қыркүйек пен 4 қазан аралығында Жапонияның Айти префектурасы мен Нагоя қаласында өтеді.

Еркін күрестен екі дүркін Олимпиада чемпионы Абдулрашид Садулаев алты жыл үзілістен кейін Еуропа чемпионатының алтынын қайта иеленді.

Албания астанасы Тиранада өткен құрлық біріншілігінің финалында 97 келі салмақ дәрежесінде белдескен ресейлік балуан словакиялық Батырбек Цакуловты 14:3 есебімен айқын жеңді.

Осылайша, Садулаев мансабындағы бесінші Еуропа чемпионы атағын еншіледі (бұған дейін 2014, 2018, 2019, 2020 жылдары топ жарған).
Айта кетейік, бұл оның 2020 жылдан бергі алғашқы Еуропа чемпионаты. Аталған додада ресейлік спортшылар United World Wrestling туы астында өнер көрсетуде.

Бұған дейін, биылғы ақпанда өткен рейтингтік турнирде Садулаев қазақстандық балуан Ризабек Айтмұханды финал жолдамасы үшін өткен белдесуде 14:3 есебімен жеңген еді. Кейін ол турнирдің алтынын иеленсе, Айтмұхан қола жүлдегер атанған.

Бибісара Асаубаева әлеуметтік желідегі қысым мен хейт туралы пікір білдірді. Оның айтуынша, танымалдығы артқан сайын сын да көбейген.

Спортшы қолдау білдірген жандарға алғыс айтып, негативтің кейде ауыр тиетінін жасырмады. Дегенмен, бала кезден мұндайға төселгенін және бәріне ұнау мүмкін еместігін атап өтті.

«Сіздер өмірдің тек бір бөлігін ғана көріп, қатал қорытынды жасайсыздар. Мейірімді болыңыздар», — деді ол.

Айта кетейік, Асаубаева — блиц шахматтан үш дүркін әлем чемпионы, сондай-ақ Пафоста өткен Үміткерлер турнирінде күміс жүлдегер атанды.