Жаңалықтар - Stan.kz

🌿 Қоршаудың сыртындағы шөп үшін де айыппұл салынып жатыр!

Қазақстанда жеке үй иелері енді қоршаудан тыс 5 метр аумақтағы тазалыққа жауап береді. Шөпті уақтылы шаппаса, 86,5 мың теңгеден астам айыппұл салынуы мүмкін. Қайталанса 130 мың теңгеге жуық.

Ал қызығы заңда шөптің нақты биіктігі көрсетілмеген. Полицияның түсіндіруінше, шөп тізеден жоғары болмауы керек.

Қазақстандық 50 миллион теңге алу үшін әйелімен ажырасып, төрт баласы бар жеңгесіне үйленген

Ақтөбеде мемлекеттен қомақты тұрғын үй төлемін алу үшін көпбалалы әйелмен жалған некеге тұрған әскери қызметкер сотталды. Тергеу дерегінше, ол жаңа "отбасының" құрамына әйелдің төрт баласын қосып, 50 миллион теңгеден астам төлем алған. Кейін әйелмен ажырасып, бұрынғы жұбайымен қайта некелескен.


Толығырақ https://stan.kz/podpolkovnik-50-million-tenge-alu-usin-aielimen-azyrasyp-tort-balasy-b-438910/ оқи аласыз!

Түркістан қаласында өгей әке келіні мен ұлын өлтірді деп күдікке ілінді

Жантүршігерлік оқиға қарияның үйінде болған. Зейнеткер қолы қанға боялған соң полицияға өзі берілген дейді көршілері.

Қылмыс болған үйде бұған дейін ерлі-зайыпты қариялар тұрған екен. Соңғы бес айда әйелі төсекке таңылып, жанында жолдасы болды дейді көршілері.

Науқас жары ақыры ажал құшып, онымен қоштасуға Қызылордадағы ұлы мен келіні келген екен. Жанжалдың бәрі жерлеуден соң басталған дейді тұрғындар.

Көршілерінің сөзінше, ашуға булыққан қария өгей ұлы мен келініне пышақ сұққан. Содан кейін полицияға хабарласып, өз кінәсін мойындапты. Ал, ерлі-зайыптылардың демі жедел-жәрдем келгенше үзілген көрінеді.

Куәгерлер қарияны полицейлер қамауға алып кеткенін де көріпті. Қанды оқиғаға қатысты полиция әзірге ешқандай пікір білдірген жоқ. Сондықтан қайғылы оқиғаның жай-жапсары белгісіз.

Маңғыстауда бір топ жасөспірім оқушы қызды тізерлетіп сабаған

Оқиғаның видеосы желіде тараған.

Полиция жанжалға қатысқандардың барлығы анықталып, бөлімшеге жеткізілгенін айтты. Ата-аналар балаларын тәрбиелеу жөніндегі міндеттерін тиісінше орындамағаны үшін әкімшілік жауапкершілікке тартылған.

Іс материалдары кәмелетке толмағандардың істері жөніндегі комиссияға жолданып, жасөспірімдер профилактикалық есепке алынған.

💔🥀 21 жастағы қыздың денесі ерлер дәретханасынан табылды

Қайғылы жағдай Алматы облысы Ұзынағаш ауылында болған. 21 жастағы Диана Сансызбайдың денесі 29 маусымда дүкен жанындағы ерлер дәретханасынан табылған.

Марқұмның анасы қызының денесін қандай күйде тапқанын айтты. Оның сөзінше, қызының үстінде тек іш киім, шашы алба-жұлба, арасы шөп-шалаңға толы болған. Мойны бір жағына қисайып, бұрылмай қалған. Жауырыны мен арқасында дөңгелек пішінді көкпеңбек іздер, бір қолы мен белінен төмен қарай көгерген жерлер болған.

Оған қоса қыздың мойнындағы алқасы мен 100 мың теңгесі жоғалған. Сөмкесі мен телефоны басқа жерден табылған.

Анасының сөзінше, оқиғаға қатысты күмәнді жайттар бар. Сол түні дәретханаға барған қыздардың бірі сол маңда бірнеше жігіттің айғайлап, күліп отырғанын айтқан. Сол себепті марқұмның туыстары оқиға орнында басқа адамдар болған деп күдіктенеді.

Полиция "Өзін-өзі өлтіруге дейін жеткізу" бабы бойынша қылмыстық іс қозғаған. Алайда анасы қызының өзіне қол салғанына сенбейді.

Қазір тергеу жүріп жатыр.

⚡️️️️ Айбек Дәдебай Құрылтай төрағасы болды 144 депутат оның кандидатурасын қолдады. Осылайша ол жасырын дауыс беруден кейін парламент төрағалығына кірісті. t.me/stankznews

Ер адам Бруклин көпіріне Қазақстанның туын іліп, өзенге секірді

Оқиға 2 тамыз күні күндіз Нью-Йоркте болған. 44 жастағы ер адам Манхэттен жағынан көпірдің солтүстік мұнарасына шамамен сағат 14:30-да көтерілген. Ол ілген тулардың арасында Қазақстанның мемлекеттік туы да болған. Оған қоса мұнарада жазуы анық оқылмайтын мата да болған.

Полиция ер адамды төмен түсіруге тырысқан. Алайда ол Ист-Ривер өзеніне секіріп кеткен. Желіде тараған видеодан ер адамның секірген сәтте арқасында сөмкесі болғанын көруге болады. Оның жанынан ешбір құжат табылмаған. Сондықтан оның кім екені, қай елден келгені және не себепті көпірге шыққаны әзірге белгісіз.

😍 Ультрамарафоншы тарихта алғаш болып Балтық теңізін жүзіп өтті

Ол польшалық Бартломей Кубковский. Ультрамарафоншы тарихта алғаш рет Балтық теңізін Швециядан Польшаға дейін жүзіп өтті.

Ол:

🔶 160 шақырымнан астам қашықтықта жүзді;

🔶 55 сағатқа жуық суда болды;

🔶 бір минут та ұйықтамады;

🔶 жанындағы қайыққа қол тигізбей, жарыс ережесін толық сақтады.

Мәреге небәрі 1,5 шақырым қалғанда спортшы қатты әлсіреп, командасына: «Бұдан әрі жүзуге күшім қалмады» деген. Алайда командасының қолдауынан соң бар күшін жинап, жағалауға жетті.

❤️‍🔥 Жүзу қайырымдылық мақсатта ұйымдастырылды. Шара барысында онкологиялық дертке шалдыққан балалар мен жастарға көмек көрсететін қорға 560 мың злотыйдан астам қаржы жиналды.

Араға 70 жыл салып алғаш рет Амур жолбарысы табиғи ортаға жіберілді

Үміт есімді аналық жолбарыс "Іле-Балқаш" мемлекеттік табиғи резерватына жіберілді. Ал Амур атты аталық жолбарыс пен Тұран және Уссури есімді екі күшік әлі де дайындық кезеңінен өтіп жатыр.

Табиғи ортаға шығарылар алдында Үміт кешенді ветеринариялық тексеруден өтті. Мамандар оның денсаулығын, мінез-құлқын, аңшылық қабілетін және адамға реакциясын бағалады. Оған қоса жолбарысқа қозғалысын бақылайтын қарғыбау тағылды.

Құрылтай депутаттарын сайлауға арналған бюллетень көрсетілді

Мұны Орталық сайлау комиссиясы көрсетті.

Қазір Қазақстанда сайлауалды үгіт-насихат кезеңі өтіп жатыр. Ол 22 тамыз күні сағат 00:00-де аяқталады. Депутаттарды сайлау 23 тамыз өтеді.

Демалыста жүрген полицей өртенген пәтерден бес баланы құтқарды

Бұл жағдай Қарағандыда болған. Ал балаларды құтқарған азамат полиция полкінің аға инспекторы Дінмұхамет Сұлтан. Ол демалыстан үйіне қайтып келе жатып, көпқабатты үйдің сегізінші қабатындағы пәтер терезесінен қою түтін шығып жатқанын байқаған. Сосын дереу үйге кіріп, сегізінші қабатқа көтерілген. Қою түтінге оранған пәтерге кірген ол іште қорқып отырған бес баланы көріп, оларды қауіпсіз жерге алып шыққан.

Сосын пәтерге қайта кіріп, электр қуатын ажыратқан. Екі көршісімен бірге асүйдегі өртті сөндіруге кірісіп, өрт сөндірушілер келгенше жалынның таралуына жол бермеген.

Гидроциклмен су бетінде тайраңдаған

Бұл жағдай Маңғыстауда болған. Гидроцикл тізгіндеген жігіт демалушыларға кедергі келтірген.

Құтқарушылар демалыс базасына барып, тексеру жұмыстарын жүргізді. Нәтижесінде гидроцикл иесіне айыппұл салынды.

АҚШ пен Иран бір-бірінің нысандарына қайта соққы жасап жатыр CENTCOM Иранның Ислам революциясы сақшылар корпусы Ормуз бұғазын жапқаннан кейін Иран аумағындағы нысандарға соққы жасалғанын мәлімдеді. "Бұл соққылардың мақсаты – Иранның Ормуз бұғазы арқылы…

49 мың мигрант теңізді кесіп өтіп, Испанияға ағылды Олар елдің Сеута анклавына бір күнде жеткен. Қайғылы оқиға да тіркелді. Испания аумағына жетуге әрекеттенген кемінде 18 адам қаза тапқан. Желіде оқиға орнында түсірілген видеолар тарады. Кадрдан мигранттардың…