«Юнусобод Оқ-тепа» жомеъ масжиди (жамоат намози вақтлари)

https://telegra.ph/file/69742de623de3f46a4a64.jpgСАФДАГИ БЎШ ЖОЙНИ ТЎЛДИРИШ
#намоз

❓САВОЛ: Масжидга кирганимизда, намоз бошланганидан кейин орадаги сафларда жой бўшаб қолганини кўрамиз. Лекин орқа сафдаги одам ўша жойга ўтиб олмаган бўлади. Шунда унинг олдидан ўтиб, ўша жойни тўлдирсак бўладими?

💬 ЖАВОБ: Бисмиллаҳир Роҳманир Роҳим. Ҳа, бўлади. Уламолар бир намозхоннинг олдидаги сафда бўш жой очилиб қолган ва мазкур намозхон ана шу жойни тўлдирмаган бўлса, орқадаги одам унинг олдидан ўтиб, ўша жойни тўлдирса бўлади, бу билан намозхон олдидан ўтгани учун гуноҳкор бўлмайди, деганлар.

Ҳақиқатда, баъзан масжидга кириб, сафга қўшилган вақтда, орадаги сафлар бўшаб қолганига, унинг орқасидаги турган намозхон ўша жойга ўтиб, сафни тўлдирмаганига гувоҳ бўлинади. Айниқса, бу ҳолат жамоат катта йиғиладиган Масжидул ҳаром ва Масжиди Набавийда ёки бошқа масжидлардаги жума ва таровиҳ намозларида кўп учрайди. Мана шундай пайтларда, орқадаги инсон ўша сафларга, гарчи олдидаги намозхоннинг олдидан ўтиш туфайли бўлса ҳам ўтиб, сафни тўлдирса, тўғри иш қилган бўлади. Валлоҳу аълам.

Ўзбекистон мусулмонлари идораси
Фатво маркази(Fatvo uz).


•┈┈┈┈•❈••✾••❈•┈┈┈┈•
https://t.me/nurli_yol_fiqh https://t.me/nurli_yol_fiqh https://t.me/nurli_yol_fiqh

pinned a photo

pinned a photo

ЖАМОАТ НАМОЗИДА БИРИНЧИ ТАКБИРНИ ТОПИШ
#намоз

❓САВОЛ: Ҳадисларда биринчи такбирни топишнинг фазилатлари айтилган экан. Намозхон қайси вақтгача жамоатга қўшилса, биринчи такбирни топган бўлади?

💬 ЖАВОБ: Бисмиллаҳир роҳманир роҳим. Ҳақиқатда ҳадиси шарифларда биринчи такбирни топишнинг фазилати баён қилинган. Шулардан бирини ватандошимиз Имом Термизий раҳимаҳуллоҳ Анас ибн Молик розияллоҳу анҳудан ривоят қилганлар:

“Расулуллоҳ соллаллоҳу алайҳи васаллам: “Ким қирқ кун такбири таҳримани имом билан топган ҳолда жамоат билан намоз ўқиса, унга иккита омонлик ёзилади: дўзахдан омонлик ва мунофиқликдан омонлик”, дедилар”.

Иқтидо қилувчи имом билан биргаликда такбир айтиб, намозга қўшилса, шак-шубҳасиз биринчи такбирни топган бўлади. Бироқ ундан кейин ҳам кенглик берилган бўлиб, бу борада уламоларнинг турли қарашлари мавжуд:
📌 1. Сано ўқилишидан олдин қўшилса;
📌  2. Фотиҳа сурасининг ярмидан олдин қўшилса;
📌  3. Фотиҳа сураси тамом бўлгунча қўшилса;
📌  4. Биринчи ракатнинг рукусига улгурса. Мана шу охирги қараш саҳиҳ деб топилган, шунинг учун ким биринчи ракатнинг рукусида имомга қўшилса, унга ҳам биринчи такбирнинг савоби насиб этади.

☝️ Демак, намозхон имом билан кетма-кет намозга кириши, бунга улгурмаган бўлса, энг узоғи билан биринчи ракатнинг рукусидан кўтарилгунга қадар жамоатга қўшилиб олса, биринчи такбирни топган бўлади. Валлоҳу аълам.

Ўзбекистон мусулмонлари идораси Фатво маркази.


•┈┈┈┈•❈••✾••❈•┈┈┈┈•
https://t.me/nurli_yol_fiqh

pinned a photo

МАСЖИДДА КЕЧИККАН ШЕРИККА ЖОЙ ОЛИБ ҚЎЙИШ
#масжид

❓САВОЛ: Жума намозига эртароқ келиб, шеригим учун ёнимдан жой олиб қўйсам бўладими? Масалан, дўппимни қўйиб, келган бошқа одамларга “бу жойга одам келади”, деб жойни банд қилиб турсам, бунинг шариатга зид жойи йўқми?

💬 ЖАВОБ: Бисмиллаҳир роҳманир роҳим. Масжидлар Аллоҳ таолонинг уйи бўлиб, у ерда ҳеч бир инсон учун махсус ёки хослаб қўйилган жой бўлмайди. Шу сабабли, жума ёки бошқа намозларга кеч келадиган биродарларингиз учун жойнамоз, дўппи ёки бошқа бирор буюм қўйиб, жойни банд қилиб туриш шариатимизда дуруст саналмайди. Чунки масжидга эртароқ келган намозхон олдинги сафлардан жой олишга бошқалардан кўра ҳақлироқдир. Жойни бу тарзда банд қилиш эрта келганларнинг ҳаққини поймол қилиш ва уларга нисбатан ноҳақлик ҳисобланади.
Агар дўстингиз масжидга кеч келса, одамларнинг елкасини ошиб ўтмасдан, орқароқдан бўлса ҳам бошқа бўш жойга ўтириши лозим. Демак, сиз масжидга борганингизда ўзингиз учун жой эгаллашингиз тўғри, аммо ҳали келмаган одам учун жой ушлаб туришингиз жоиз эмас. Валлоҳу аълам.

Ўзбекистон мусулмонлари идораси
Фатво ҳайъати (Fatvo uz).


•┈┈┈┈•❈••✾••❈•┈┈┈┈•
https://t.me/nurli_yol_fiqh

pinned a photo

pinned a photo

#Ҳадис_1026

УЙИ МАСЖИДДАН УЗОҚ ОДАМ



 وَعَنْهُ عَنِ النَّبِيِّ صَلَي الله عَلَيْهِ وَسَلَّم قَالَ: الْأَبْعَدُ فَالْأَبْعَدُ مِنَ الْمَسْجِدِ أَعْظَمُ أَجْرًا. رَوَاهُ أَبُو دَاوُدَ وَمُسْلِمٌ 

Абу Ҳурайра розияллоҳу анҳудан ривоят қилинади: 

📗 «Набий соллаллоҳу алайҳи васаллам:«Масжиддан қанча узоқ бўлганнинг ажри шунча улуғ бўлур», дедилар». 
✍ Абу Довуд ва Муслим ривоят қилганлар.

📜 Шарҳ: Ушбу ҳадис уйи масжиддан узоқ эканлигини баҳона қилиб, масжидга қатнамай юрадиган кишиларнинг мутлақо хато қилишларини кўрсатади. Уйи масжиддан узоқ одам ўзига берилган фурсатдан фойдаланиб, кўпроқ ажр-савобга эга бўлиши лозим.
Масжидга жамоат намозига ёхуд бошқа хайрли ишлар учун келган одамлар ичида кўпроқ савобга эришадигани уйи масжиддан энг узоқ бўлганидир.

«Ҳадис ва ҳаёт» китобидан


•┄┄┄┄┄❅┄┄┄┄┄•
📚 https://t.me/nurli_yol_hadis

🕌 Маҳалламизда янги очилган «Ёпиқлиқ Ота» жомеъ масжиди расмий Телеграм саҳифасига обуна бўлинг.  Қуйидаги профил орқали уланиш мумкин:

👉  https://t.me/YopiqliqOtaMasjidi

Саҳифада масжид намоз вақтлари ва бошқа керакли маълумотлар берилиб борилади.

pinned a photo

https://telegra.ph/file/3003884380de28350168d.jpgЖУМА НАМОЗИНИ ЎҚИЙ ОЛМАГАН КИШИНИНГ ПЕШИННИ АЗОН ВА ИҚОМАТСИЗ ЎҚИШИ
#жума

❓САВОЛ: Жума намозини ўқий олмаган киши пешин ўқиётганда азон ва такбир айтмаслиги керакми? Шундай деб эшитиб қолдим.

💬 ЖАВОБ: Бисмиллаҳир Роҳманир Роҳим. Ҳа, жума намози ўқиладиган жойларда бирор сабабга кўра уни ўқий олмаган одам пешиннинг фарзини азон ва иқоматсиз ўқийди. Чунки бу ҳолатда азон ва иқомат айтиш макруҳ саналади. Бунда беморлик ёки кексалик каби узрлар сабабли жумага кела олмаган эркаклар учун ҳам ҳукм шудир. Аммо жума намози ўқилмайдиган кичик қишлоқ ёки саҳро каби жойларда пешин намозини одатдагидек азон ва иқомат билан, шунингдек жамоат бўлган ҳолда ўқилаверади. Валлоҳу аълам.

Ўзбекистон мусулмонлари идораси Фатво ҳайъати (Fatvouz).

•┈┈┈┈•❈••✾••❈•┈┈┈┈•
🔸 https://t.me/nurli_yol_fiqh 🔸

pinned a photo