Bugin.kz

Абай облысында ерекше балаларға 100-ден астам рет зорлық-зомбылық көрсетілген

Абай облысының Аягөз ауданындағы арнаулы әлеуметтік қызметтер көрсету орталығында ерекше күтімді қажет ететін балаларға жүйелі түрде физикалық және психологиялық зорлық-зомбылық жасалған. Бұл туралы облыстық прокуратура хабарлады.

Тексеру барысында санитарлардың балалардың дәрменсіз жағдайын пайдаланып, оларға күш көрсеткені анықталған. Сонымен қатар кейбір қызметкерлер заңсыз әрекеттердің куәсі бола тұра, оны тоқтатуға әрекет етпеген.

📌 Аталған факті бойынша Қылмыстық кодекстің 140-бабының 3-бөлігімен сотқа дейінгі тергеп-тексеру басталды.

Балалардың қауіпсіздігін қамтамасыз ету үшін іске қатысы бар адамдар қызметінен шеттетіліп, олардың тәрбиеленушілермен байланысуына шектеу қойылды. Қазіргі уақытта тексеру жалғасып жатыр.

✈️ Бомба қаупіне байланысты жолаушылар ұшағы шұғыл қонды

18 қазан кешінде Тель-Авивтен Венаға бағыт алған Airbus A320 ұшағы бомба туралы хабарламаға байланысты Болгария астанасы Софияға шұғыл қонды.

Ұшақ бортында 51 жолаушы мен экипаждың алты мүшесі болған. Қауіп туралы хабар түскен соң Болгарияның МиГ-29 жойғыш ұшақтары әуеге көтеріліп, әуе кемесін әуежайға дейін сүйемелдеген.

Тексеру жұмыстары аяқталғаннан кейін ұшаққа сапарын жалғастыруға рұқсат берілді. Ол 19 қазанда таңғы сағат 03:00 шамасында Софиядан ұшып шыққан.

Қазіргі уақытта бомба туралы хабарламаның мән-жайы анықталып жатыр.

🇰🇷 Оңтүстік Кореяда көлік жүргізушісін қорқытқан 21 жастағы қазақстандық ұсталды

Оқиға 29 шілде күні сағат 23:40 шамасында Кёнгидо провинциясындағы Ичхон қаласында болған. Қазақстандық азамат 30 жастағы жүргізушінің көлігін қуып жетіп, жолын бөгеген. Кейін көлігінен түсіп, оның машинасының алдыңғы бөлігін тепкілеген.

Оқиға видеосы әлеуметтік желіде тараған. Алайда қараңғылыққа байланысты полиция күдіктінің көлік нөмірін бірден анықтай алмаған. Сондықтан қыркүйектің ортасында тергеу нәтижесіз аяқталған.

Кейін полиция істі қайта қарап, бейнежазбаны мұқият зерттеген. Мамандар көлік нөмірінің бір бөлігін анықтап, маркасы мен моделіне қарай іздестіру жүргізген. Нәтижесінде күдіктінің ізіне түсіп, оны Ансон қаласында ұстаған. Көлігі де тәркіленген.

21 жастағы қазақстандық өз әрекетін түсіндіріп, көлігін сатып алуға уәде беріп, кейін бас тартқан шетелдік азаматпен шатастырып алғанын айтқан.

🇫🇷 Францияда жаппай наразылық: көшелерде өрт, дүкендер тоналды

Францияда 17 қазанда өткен жаппай наразылық кезінде бірнеше қалада тәртіпсіздік тіркелді. Наразылыққа қатысушылардың бір бөлігі дүкендерді тонап, ғимараттарға өрт қойған. Полиция шерушілерді тарату үшін көзден жас ағызатын газ қолданды.

Ұйымдастырушылардың мәліметінше, ел бойынша шеруге 800 мыңға жуық адам қатысқан. Ал Франция Ішкі істер министрлігі қатысушылар санын 550 мың деп бағалады. Парижде шамамен 110 мың адам жиналған. Наразылық Лион, Марсель, Тулуза, Лилль, Страсбург, Лимож және Бордо қалаларында да өтті.

Шерушілер өмір сүру құнының қымбаттауына және білім беру саласындағы мәселелерге наразылық білдірді.

Наразылық кезінде шерушілер Француз революциясы кезінде өлім жазасына кесілген XVI Людовик корольді еске алып, «Макрон, Макрон, біз мұны қайталаймыз!» деген ұран айтқан.

Жұмысқа шыққан аналарға бала күтімі жәрдемақысы сақталады

Енді аналар баласы 1,5 жасқа толмай жұмысқа шықса да, бала күтіміне байланысты жәрдемақыдан айырылмайды.

Төлем белгіленген мерзім аяқталғанға дейін жалғасады. Бұл туралы Еңбек және халықты әлеуметтік қорғау министрі Асқарбек Ертаев мәлімдеді.

Бұл өзгеріс жас баласы бар аналарға жұмысқа шығып, сонымен қатар бала күтіміне арналған төлемді алуға мүмкіндік береді. Олар жәрдемақыны бала қарайтын адам жалдауға немесе туыстарының көмегіне ақы төлеуге пайдалана алады.

Ал әкелер де бала күтіміне байланысты демалысқа шығып, жұмыс орнын сақтай алады. Алайда бұл жағдайда оларға бала күтіміне арналған әлеуметтік төлем тағайындалмайды. Яғни демалысқа шығу құқығы бар, бірақ жәрдемақы алу құқығы анаға тиесілі.

Бұл өзгерістер жұмыс істейтін ата-аналарға бала күтімі мен жұмысты қатар алып жүруге мүмкіндік беруді көздейді.

Францияда люкс бутиктер тоналып, қоғамдық ғимараттар өртенді: Тәртіпсіздік неден басталды?

17 қазанда Францияның бірнеше қаласында жаппай наразылықтар өтіп, соңы полициямен қақтығыстарға, дүкендердің тоналуына және қоғамдық ғимараттардың өртенуіне ұласты.

Наразылықтың негізгі себептері — өмір сүру құнының өсуі, бағаның қымбаттауы және үкіметтің әлеуметтік-экономикалық саясатына деген наразылық.

Парижде қымбат брендтердің бутиктері тоналып, витриналар сындырылды. Қаскөйлер дүкендерден тауарларды алып кеткен. Лион, Марсель және Лимож қалаларында да қоғамдық ғимараттарға зақым келіп, өрт оқиғалары тіркелді.

Құқық қорғау органдары тәртіпсіздіктерге қатысқандарды ұстады. Оқиғалардан кейін Францияда қоғамдық қауіпсіздік пен әлеуметтік мәселелерге қатысты пікірталас күшейді.

📸 Фото: AP / Лоран Чиприани

⚡️ «Ақтөбе» жанкүйерлерінің баннері дау тудырды: Бас прокуратураға арыз жолданды

17 қазанда өткен «Ақтөбе» мен «Ордабасы» арасындағы матч 1:3 есебімен аяқталды. Алайда ойыннан кейін жанкүйерлердің әрекеті қызу талқыға түсті.

Ақтөбелік жанкүйерлер «NO SHYMSIDE, NO TEXAS FANS!» деген жазуы бар баннер көтерген. Онда Өзбекстан туы мен «Ордабасы» клубының логотипі қоқысқа тасталғандай бейнеленген. Сонымен қатар шымкенттіктерге қатысты кемсітетін сөздер айтылғаны хабарланды.

Әлеуметтік желі қолданушылары бұл әрекетті сынға алып, жауаптыларды жазалауды талап етті.

Ал адвокат Аянхан Омаров осы жағдайға байланысты Бас прокуратураға арыз жолдады.

🐟 Қазақстанда ихтиопатолог мамандары неге тапшы? Балықтардың жаппай қырылуына не себеп болады? Маман Жансұлу Ықласқызы саланың өзекті мәселелері мен балық ауруларының алдын алу жолдары туралы айтып берді.

Толық ақпаратты Buginkz сайтынан оқи аласыз👇🏻
https://bugin.kz/43130-40-tonna-balyqtynh-qyryluy-maman-tapshylyghy-dgane-kozge-korinbeytin-qauip-qazaq

🚀 БАӘ астероидтарды зерттейтін ғарыш аппаратын жасап жатыр

Біріккен Араб Әмірліктері астероидтар белдеуін зерттеуге арналған ғарыш зонды мен электр қозғалтқыш жүйесін әзірлеп жатыр. Миссияны 2028 жылы ұшыру жоспарланған.

WAM агенттігінің хабарлауынша, зонд Абу-Дабиде құрастырылып, сынақтан өтеді. Ол MBR Explorer ғарыш кемесімен бірге ұшырылып, 269 Юстиция астероидына жақындағанда негізгі аппараттан бөлінеді.

Зонд астероидты жақыннан суретке түсіріп, оның беткі қабаты мен құрамын зерттейді. Ғалымдар жиналған деректер Күн жүйесінің қалыптасу тарихын тереңірек түсінуге мүмкіндік береді деп үміттенеді.

⚡️ Құтқарушылар күні құтты болсын!

Ерлік, кәсібилік пен кез келген сәтте көмекке келуге дайын болу – құтқарушыларға тән басты қасиеттер.

Адам өмірін арашалап, қауіп-қатерге қарамастан қызмет ететін барша құтқарушыға зор денсаулық, отбасына амандық, қызметіне сәттілік тілейміз!

Әрбір шақыртудан аман-есен оралып, ел алғысына бөлене беріңіздер! ❤️

😍 Құтқарушылар 14 адам мен мысықты өрттен аман алып қалды

Оқиға Сәтбаев қаласында болған. Бес қабатты тұрғын үйдің бірінші қабатындағы пәтерден өрт шықты.

Құтқарушылар көршілес пәтерден 14 адамды, оның ішінде 8 баланы эвакуациялады. Сонымен қатар түтінге тұншыққан мысықты жанып жатқан пәтерден алып шықты.

Мамандар жануарға тыныс алу аппаратының көмегімен алғашқы көмек көрсетті.

Өрт дер кезінде сөндірілді.

🚨 Ақтауда жаяу жүргіншілер өткелінде 11 жастағы баланы көлік қағып кетті

Ақтауда Lada Priora көлігі жаяу жүргіншілер өткелімен өтіп бара жатқан оқушыны қағып кетті. Оқиға сәті бейнебақылау камерасына түсіп, әлеуметтік желіде тарады.

Кадрлардан үш оқушының жолдан өтіп бара жатқанын, сол кезде көліктің бір баланы соққанын көруге болады.

Жедел жәрдем қызметінің мәліметінше, 11 жастағы баланың жағдайы орташа ауыр. Ол жабық бассүйек-ми жарақаты және ми шайқалуы диагнозымен облыстық көпсалалы балалар ауруханасында ем қабылдап жатыр.

🚨 Санкт-Петербургке дрондар шабуыл жасады: бір адам қаза тауып, бес адам жараланды

18 қазанға қараған түні украиналық дрондар Ресейдің Санкт-Петербург қаласы мен Ленинград облысына шабуыл жасады. Салдарынан жанармай нысандарында өрт шығып, бірқатар инфрақұрылым нысаны зақымданды.

Санкт-Петербург қаласының мэрі Александр Бегловтың мәліметінше, шабуылдан бір адам қаза тауып, тағы бес адам жарақат алған.

Ал Ленинград облысының губернаторы Александр Дрозденко Гатчина қаласында дрон сынықтары көпқабатты тұрғын үйге құлағанын хабарлады. Новоселье елді мекенінде тұрақта тұрған 55 автокөлік зақымданған. Сондай-ақ электр қуаты уақытша өшірілген.

🔥 Францияда бағаның өсуіне байланысты наразылық жаппай тәртіпсіздікке ұласты

Францияда өмір сүру құны мен жанармай бағасының өсуіне қарсы өткен наразылық акцияларына шамамен 550 мың адам қатысты.

Париж, Марсель және басқа қалаларда полиция шерушілерді тарату үшін су атқыш машиналар мен көзден жас ағызатын газ қолданды. Бірқатар қалада өрт қою және тонау оқиғалары тіркелді.

Франция премьер-министрі Себастьен Лекорню ел бойынша 1 200 адамның ұсталғанын хабарлады. Сондай-ақ 150 полиция қызметкерінің жарақат алғанын мәлімдеді.

Ал президент Эмманюэль Макрон елде зорлық-зомбылыққа жол берілмейтінін айтып, құқық қорғау органдарының қызметкерлеріне қолдау білдірді.

🚨 Алматыда тұраққа қатысты жанжал адам өлімімен аяқталды

Қайғылы оқиға 4 қазанда Алматыда болған. Көршілер арасында көлік қоятын орынға қатысты дау туындап, арты төбелеске ұласқан.

Марқұм Данил ұлы және достарымен бірге қала сыртына демалып келген. Үйіне оралғанда, автотұрақта тұрған бейтаныс көлікті байқап, көршісінен оны алып тастауды сұраған. Алайда сөзге келіспеушілік туып, көршісі көмекке ағасын шақырған. Кейін ол пышақпен Данилдың мойнына жарақат салған.

Туыстарының айтуынша, Данил мен көршісі бұған дейін араласпаған әрі арасында жанжал болмаған. Күдіктінің отбасы оқиғадан кейін жалдап тұрған пәтерінен көшіп кеткен.

Полиция аталған дерек бойынша қылмыстық іс қозғады. 37 жастағы күдікті уақытша ұстау изоляторына қамалды.

🚨 Таиландтан есірткі әкелген екі қазақстандық 16 және 8 жылға сотталды

Астанада Таиландтан Қазақстанға есірткі тасымалдауға қатысы бар екі азаматқа сот үкімі шықты.

20 жастағы қыз ақшалай сыйақы үшін 4,7 келі каннабис экстрактын екі шабаданға салып, тәтті ретінде жасырын алып өтпек болған. Алайда есірткі елорда әуежайында тәркіленіп, сот оны 16 жылға бас бостандығынан айырды.

Ал 39 жастағы ер адам есірткіні тұрмыстық тауар ретінде көрсетіп, пошта арқылы Қазақстанға жіберуді ұйымдастырған. Ол 8 жылға сотталды.

Бас прокуратураның мәліметінше, екі үкім де әзірге заңды күшіне енген жоқ.

⚡️ Қызылордада көлік жүргізушісі сәбиі бар әйелді қағып, оқиға орнынан қашып кеткен

Қызылордада жүргізуші қолында нәрестесі бар әйелді көлігімен қағып кеткен. Жол-көлік оқиғасынан кейін ол оқиға орнынан ізін суытқан.

Өкінішке қарай, сәби ауруханада көз жұмды. Ал баланың анасы ауыр жағдайда жатыр.

Полиция мәліметінше, күдіктінің жеке басы анықталған. Қазір оны іздеу жұмыстары жалғасып жатыр.

Фото: Ашық дереккөз

🚨 Албанияда Трамптың күйеу баласы салатын курортқа қарсы наразылық басталды

Албания астанасы Тиранада наразылық акциялары үш күннен бері жалғасып жатыр. Полиция шерушілерге қарсы көзден жас ағызатын газ қолданса, наразылық білдірушілер тәртіп сақшыларына тас лақтырған.

Шеруге шыққандар премьер-министр Эди Раманың отставкаға кетуін талап етті. Алайда үкімет басшысы қызметінен кетуден бас тартып, наразылыққа оппозиция өкілдерін кінәлады.

Митингке студенттер де қосылды. Олар оқу ақысының қымбаттауына, жемқорлыққа және жұмыс табудың қиындауына қарсылық білдірді.

📌 Полиция 55 адамды ұстаған, олардың екеуі — кәмелетке толмағандар. Тағы 98 адамға қатысты қылмыстық іс қозғалған. Наразылық акциялары жалғасып жатыр.

Қазақстандағы балалар «Kids Go Free» бағдарламасы бойынша биыл да ел ішінде тегін саяхаттай алады. Егер тур ресми туроператордан сатып алынса және балалар ата-анасымен бірге саяхаттаса, мемлекет 2-ден 17 жасқа дейінгі балалардың авиабилет құнын төлеп береді.

«Kids Go Free» бағдарламасының басты ерекшелігі — лицензиясы бар туроператорлардан турпакет сатып алған жағдайда, 2-ден 17 жасқа дейінгі балалар үшін ұшақ билетінің құны толықтай мемлекет есебінен өтеледі, бұл отбасылық бюджетті айтарлықтай үнемдеуге мүмкіндік береді.

Бұл бағдарлама ішкі отбасылық туризмді дамытуға көмектеседі. Жоба іске қосылған сәттен бастап 5500-ден астам бала Қазақстан бойынша билетке ақша төлемей ұшу мүмкіндігін пайдаланған.

Туризм және спорт министрлігінің хабарлауынша, бүгінде ата-аналар балаларымен бірге Алакөлдің шипалы суына, Каспий жағалауындағы Маңғыстау өңіріне, тарихи Түркістанға және заманауи Астана мен Щучинск-Бурабай курорттық аймақтарына жиі барады.

Фото: Ашық дереккөз

3 қыркүйекте «Қазақ тазысы мен төбет күні» деген мереке атап өтіледі. Үкіметтің 2026 жылғы 15 сәуірдегі қаулысымен 3 қыркүйек — «Қазақ тазысы мен төбеті күні» болып жарияланды. Аталған құжат ресми түрде 28 сәуірден бастап күшіне енбек. Бұл шешім ұлттық құндылықтарды ұлықтау мақсатында қабылданып отыр.

Қазақы ит тұқымдарына арналған арнайы күннің пайда болуы — сала мамандары үшін үлкен мүмкіндік. Енді ит өсірушілер мен кинологиялық орталықтар тек көрмелермен шектелмей, кәсіби деңгейде білім алмасып, жарыстар өткізе алады.
Айта кетейік, бұл бағыттағы ең үлкен жеңіс 2024 жылдың қыркүйегінде тіркелді: Амстердамдағы алқалы жиында қазақ тазысы жеке тұқым ретінде алдын ала танылып, еліміз ресми стандарт иесі мәртебесіне ие болды.

Фото: Ашық дереккөз