Расул МУҲАММЕТ

                        * Бул жоллардың басы бузық еди, Талай табан тирескенлер тайып кетти, «Қарақалпақ» деген сөзден айып кетти..! Бул жоллардың басы бузық еди. Бузық енди, қызық енди санамыз, Ақыр, сүйиў ушын туўған анамыз, Ўатан – АНА, ҚарақалпақСТАН…

Бир киси меннен:
"Ақмақларды басқалардан қалай ажыратасаң"-,деп сорады.
-"Тек ақмақлар ғана адам ажыратады"-,деп жуўап бердим.

✍️Расул МУҲАММЕТ

Канал:

Жыллар талықтырды, жолларым емес,
Айра соқпақларда жасайман бирақ.
Мени бенде қылған қолларым емес,
Аяқ басқа жолға басламас бирақ.

Басымды жарғанның басын сыйпалап,
Тас атқан қолларын туттым көзиме.
Өлимим күткенге өмир тилеп тек,
Ашынбай кетиппен өзим-өзиме.

Ажеп, жүрегимди кеширмедим хеш,
Азат етпедим хам желкемди жүктен.
Мине болсадағы енди бари кеш,
Ноябр питпекте асығып күткен.

Танҳа бахар менен болалмай жолдас,
Барше маўсимлерге бергенмен қолым.
Мейли ҳазирги гүз мен ушын болмас,
Кейинги сапарға ол барар жолым.

Енди ше? Кейинги сезим қанатын,
Қай тәреп қағаман, кимди аңсайман.
Бир от бар ишимде тынбай жанатын,
Мен онда күл болып ғана жасайман.

Ақшам! Түнлер ушын айтаман нәлет,
О қандай инсапсыз, сыйқырлы әдет,
Түслерим алдайды мен тек қәлеп
Балким, соның ушын уйқылағым келмес.

Ай-ҳай! Кеулим мениң нәкәслик көрип,
Мың мәрте тирилди, еки мың өлип,
Маған тәғдир берген азапты бөлип,
Сеуги сейилине жолды бермеген.

Тек баҳар келер деп инанған кеулим,
Жалғыз күнлеримде жетим қылмайды.
Мен булай айралық ҳаққында жазып
Оқысам ким келип мени тыңлайды.

Жыллар жалықтырды, жолларым емес,
Жүрилген жолларда тек қалды елес,
Кеткенлер ол жолдан айланып келмес,
Тек қайтар артына мәңги толғаныс.

Сағыныш! Жазыуға болалмас тосық
Ҳам жалынар жүрек жазба деп және.
Мине сениң ушын жазылған қосық,
Енди сениң берген сол уәдең қәне?.


✍Расул МУҲАММЕТ

Канал:

Tekrar bir şehirde yüz yüze geldik,
Gitmek işin başka şehirimiz yok.
Belki de mutlu da olurduk ama,
Belki mutluyuz da haberimiz yok.

✍Расул МУҲАММЕТ

Канал:

*
Паспан билди жолдың жоғын,
Гүреске жоқ, мәртлик көзи.
Сақлап қойған соңғы оғын,
Оқлап атты өзин-өзи.

✍Расул МУҲАММЕТ

Канал:

КЕЛЕМЕН ЖӘНЕ...

Саясыз келемен тебренип әсте,
Тириңде бермеген қолда гүлдәсте,
Әлўидағ айтқызған нәзерим пәсте,
Сағындым демеймен буны билесең.

Не қалды сеннен соң дүняда маған?
Сол ўәдем ушын ба...көнип келемен
Соңғы тилек айттың...мен болсам саған,
Мынаў тири денем өлип келемен.

Талықтым сүйиклим, қатты талықтым
Сени ҳәр күн қайта көмип келемен,
Сенсиз қалған үйге сөнип келемен,
Буларды сезбейме екен халық дым.

Соң бираз отырып сен менен болған,
Ақырғы ақшамды еслеймен және.
Екеўмизде үнсиз сезимге толған,
Көзимиз сырласып баслады әне.

Мәўрити келгенде ҳәзиллер айтып,
Түн сесин бир бөлип күлип алғансаң.
Мен саған шешенлик көрсетсем қайтып,
Жалғаннан еситпей уйқылап қалғансаң.

Өз шәртим басыма бәле болып сол,
Жүзиңди шыбыннан бираз қорыйман.
Арада бир мүддет талыққанда қол,
Қырмыз ләблериңнен бир-бир сорыйман.

Аҳ, жаным оятып алыўдан қорқып,
Сергек тартқанымда аўнап жортаға.
Орамал баспаған буйра шашыңды,
Наз етип таслайсаң әсте ортаға.

Паҳ, өжет минезди қалдырмағанда,
Тап ҳәзир тең қылып бөлер едим-аў.
Баяғы айдарды алдырмағанда,
Екеўин бир етип өрер едим-аў.

Кеу‌илди гүз басты, сағыныш бәне,
Жүректи муз басты, сезимлер қәне?
Қозғалмай уйқылайбер дилбарым енди
Мен саған, мен саған келемен және.

✍ Расул МУҲАММЕТ

Канал: