ШЕЖИРЕ

ҚАРАМОЙЫНЛАР

 Қарамойын-шүллик қоңыратлары қурамындағы 8 руўдың бири. 6 тийреге бөлинеди. 
1. Анна хожа,  
2. Сабалақ, 
3. Көтелек, 
4. Қәреке, 
5. Қарлы марал ҳәм
6. Бүлкилдек болып.
Тарийхый аўыллары-Тахтакөпир ҳәм Қараөзек районларында. 
Қарамойынлардың тарийхы бойынша журт, ҳәтте өзлери де биле бермейтуғын жазба дереклер оғада көп. Мәселен, Бердақтың "Шежире"синде бул руўдың қай заманда, қандай жағдайда пайда болғаны, Хийўа ханлары шежиресинде изи не болғаны ашық айтылады. Сол себепли қарамойынлар бүгинлигинде қарақалпақлардан басқа қазақ ҳәм лақай халықлары қурамында-да үлкен ел есапланады. 
Деген менен олардың бәрин изертлеў, ағын-аққа, қарасын-қараға айырып отырыў - көп ўақыт ҳәм қосымша қаржыны талап етеди. Қарамойынлар - ишинен талай мәмлекетлик искерлер, илим ғайраткерлери, бизнесменлер шыққан үлкен ел. Солардан биреўи болмаса биреўи елиниң, соңғы әўлады, халқының ғамын шегип, спонсорлық ете қоймаса, сораўыңызға нақлы жуўап бериў қыйын, бот каналға сораў таслаған оқыўшым!

Есназар Үсенов
@shejireqr

Канал👉  @shejireqr

ҚЫПШАҚЛАР ТАРИЙХЫ 

Қыпшақ тайпасы қурамына 14 руўды қамтыған, олардың ишинде улыўма 29 тийрени дизимге алдық. Кыпшаклардың руўлары мыналар-
1) қаңлы, 
2) саңмурын,
3) естек,
4) қанжығалы,
5) шунақ,
6) басар,
7) толыс,
8) ябы,
9) арық,
10) жағалтай,
11) бағаналы,
12) майлы балта, 
13) жадик,
14) салтыр.
Тайпаның улыўма саны,1912-жылдағы дерек бойынша, 9200 ге шамалас адам. Сан жағынан, қытайларға қарағанда анағурлым аз ҳәм қыпшақ аўыллары шашау. 

Есназар Үсенов

Канал👉  @shejireqr

Ортадағы Венгриялы қыпшақ, патия берип атырған.

Автор: А.

Канал👉 @shejireqr

БЕЗ КЫПЧАК ТОРАКЛАРЕ, БЕЗ АТТИЛА ТОКЫМНАРЫ

(Аўдармасы. Бизлер - қыпшақ түриклеримиз. Бизлер - Аттиланың урпақларымыз).

Виктор Орбан. Венгрия президенти.

Таярлаған: Мәдияр Жақсымуратов

Канал👉 @shejireqr

АННАЛАР

Анналар-қарақалпақ қытайлары қурамындағы 12 руўдың бири. Тәңке шал топарына киреди, шежирениң Т.А.Жданко дүзген варианты бойынша тийрелерге бөлинбейди. Сондай-ак, анна руўы-тийре түринде тийкарғы бөлеги Тәжикстанда жасаўшы лақай халқының шежиресинен де орын алған.Усы жерде, шежире, аңыз, әпсаналардың пайда болыўы ҳәм әҳмийетине арнаўлы тоқтап өткенди жөн көрдик.

Есназар Үсенов

Канал👉  @shejireqr

Татьяна Александровна Жданко
(01.08.1909–16.04.2007)

«Пахта, пахта деп, туўған жериңизди не қылып таслағансызлар, оңбағанлар! Қандай гөззал тәбият еди, қарағанда көздиң жаўын алғандай. Каналы-кемелерге, жағысындағы порты-адамларға толы еди. Бир шетиндеги-тоғайзарлық, путазарлықлар, онда жүрген жабайы аңларды айтпайсаң-ба?... »

Т.А.Жданко.
1982-жыл. Жаз айлары. Кегейли. «Қарийшанның көпири»

Есназар Үсенов

Канал👉  @shejireqr

9-апрель – Қарақалпақстан Республикасының Мәмлекетлик герби қабыл етилген күн

1993-жыл 9-апрель күни он екинши шақырық Қарақалпақстан Республикасы Жоқарғы Советиниң он екинши сессиясында «Қарақалпақстан Республикасының Мәмлекетлик герби ҳаққында»ғы Нызам қабыл етилген.

Қарақалпақстан Республикасының Мәмлекетлик герби Қарақалпақстан Республикасының суверенли мәмлекет екенин аңлатады.

Қарақалпақстан хабар агентлиги

👉

🌺 ХАЛҚЫМ САҚ БОЛАЙЫҚ ҚЫЗЛАРЫМЫЗҒА

Бар айыпты төнкерместен заманға,
Алып топылмастан, адам- адамға,
Таплатпай намысын нәкас, наданға,
Халқым сақ болайық қызларымызға.

Айтайын келген де гәптиң қолайы,
Қыз бала емес пе, елдиң шырайы?
Миллет едик, қыз сыйлаған удайы,
Биз қорған болайық қызларымызға.

Азаматлар кийген басына бөрик,
"Ар ушын қара кий"- абырой шерик,
Ҳәр бирин көз қарашығыңдай көрип,
Қалқаны болайық қызларымызға.

"Бос усласаң қолды қыяды қамыс,-
Ерди өлтиреди, демей ме намыс?",
Тәрбиялап, жат иллетлерден алыс,
Көз қулақ болайық қызларымызға.

Ашылмай атырып он гүлден бири,
Тықпайық солдырып, гөрине тири,
Кетпейди жуўсаң да кеўилдиң кири,
Пәрмана болайық қызларымызға.

Миллет келешеги- болажақ Ана,
Қара шаңарақтан... алады саға,
Аўҳалға түсирмей, услатар жаға,
Халқым бек болайық қызларымызға.

Ақшолпан Аманияз 09.02.2022 жыл

"Шежире" руўхый-ағартыўшылық каналы👉

🔹 Трудоголизм не екенлигин билесиз бе?

🔺 Бул тараўда алып барылған изертлеўлер қызық нәтийжелерди көрсетпекте.

🔺 Жәҳән денсаўлықты сақлаў шөлкеми ҳәм Халық аралық мийнет шөлкеми экспертлери берген мағлыўматларға көре, узақ ўақыт даўамында тынымсыз жумыс ислеў жүрек қәстеликлери, инсульт сыяқлы наўқаслықларға, ҳәттеки ерте өлимге де алып келиўи мүмкин (Environment International журналы).

🔺 Сондай-ақ, алып барылған үйрениўлерге қарағанда, узақ ўақыт даўамында демалысқа шығыўдан бас тартыў яки үзликсиз жүклемелер нәтийжесинде илимде «мийнет неврози» ямаса «демалыстың жоқлығы синдромы» деп аталатуғын ақыбетлер жүзеге келиўи мүмкин екен.

🔺 Жумыс ўақты күнине 10 сааттан артық даўам ететуғын, нормадан тысқары графикке ийе болған, әсиресе күни-түни жумыс ислейтуғын адамларда бул синдромның қәўипи жоқары болады.

(даўамы бар)

"Шежире" руўхый-ағартыўшылық каналы👉

«Жаман нызамлар ҳәм жақсы ҳәмелдарлар менен мәмлекетти басқарса болады. Бирақ, ҳәмелдарлар жаман болса, ең жақсы нызамлар да жәрдем бермейди».

✍️ Отто фон Бисмарк

"Шежире" руўхый-ағартыўшылық каналы👉