Жаңалықтар - Stan.kz

⚡ Қазақстанда мерзімді әскери қызмет екі кезеңге бөлінеді: Тоқаев әскери реформаны мақұлдады

Қазақстанда мерзімді әскери қызметті өтеу тәртібі өзгереді. Алғашқы алты айда сарбаздар арнайы орталықтарда әскери дайындықтан өтсе, келесі алты айда әскери бөлімдерде қызмет етеді.

Әскерде не өзгереді?
▪️ Әскери басқару жүйесі қайта қаралып, армия құрылымы жаңартылады.
▪️ Ұшқышсыз жүйелердің жеке әскері құрылады.
▪️ Әскери қызметшілердің құқықтарын қорғау үшін уәкіл лауазымы енгізіліп, әскери кеңесшілер институты құрылады.
▪️ Әскердегі жарғыға қайшы қарым-қатынастар мен тәртіп бұзушылықтарға қарсы күрес күшейтіледі.
▪️ Арнайы әскери мектептер ашылып, “Жас айбын” әскери-патриоттық даярлық жүйесі дамытылады.

Президент Қасым-Жомарт Тоқаев Қауіпсіздік кеңесінің отырысында армияға жекелеген өзгерістер емес, кешенді реформа қажет екенін атап өтті.
Алғашқы ұйымдастырушылық өзгерістерді 2026 жылдың соңына дейін жүзеге асыру жоспарланған. Ал реформаның негізгі шаралары 2027 жылы қолға алынбақ.

Сонымен қатар Тоқаев Қорғаныс министрлігін кешенді тексеруді жыл соңына дейін аяқтауды тапсырды. Реформаның орындалуын Үкімет пен Қауіпсіздік кеңесі бақылайды.

t.me/stankznews

Қазақстандықтар зейнет жасына жетпей зейнетақы ала алады

Қазақстанда зейнетақы аннуитеті арқылы зейнет жасына жетпей-ақ өмір бойы төлем алуға болады.

Бұл туралы Еңбек және халықты әлеуметтік қорғау министрлігі түсіндірді.

2026 жылы аннуитет рәсімдеуге қойылатын жас талаптары:

- Ерлер – 55 жастан бастап;
- Әйелдер – 53 жастан бастап;
- Міндетті кәсіптік зейнетақы жарналары кемінде 60 ай төленген азаматтар – 50 жастан бастап.

Кейінге қалдырылған аннуитетті 45 жастан, ал тиісті кәсіптік жарналары бар азаматтар 40 жастан бастап рәсімдей алады. Бұл жағдайда төлемдер келісімшартта белгіленген уақытта басталады.

Аннуитет бойынша төлемдер жыл сайын кемінде 8%-ға индекстеледі. Төлем алу үшін зейнетақы жинағында жеткілікті қаражат болуы қажет.

❗️Зейнетақы аннуитеті мемлекеттік зейнетақыны мерзімінен бұрын алуға мүмкіндік бермейді.

t.me/stankznews

Қазақстандық банктерге борышкерлердің шотындағы соңғы ақшасын шешіп алуға тыйым салынды

Қазақстанда 21 қазаннан бастап мерзімі өткен несие берешегін өндіріп алу кезінде банктер борышкердің шотында кемінде 101 702 теңге қалдыруға міндетті.

Сонымен қатар, банк шоттағы ақшаның 50 пайызынан астамын есептен шығара алмайды.

Мысалы, шотта 150 мың теңге болса, банк ең көбі 48 298 теңгені ғана өндіріп ала алады.
Алайда бұл талап банк төлем талабы арқылы берешекті өндірген жағдайда қолданылады.

Егер ақшаны сот орындаушысы инкассалық өкім арқылы өндірсе, борышкердің шотындағы қаражат толық есептен шығарылуы мүмкін.

t.me/stankznews

🇰🇿🌐 Жұма күні елімізде және әлемде қандай оқиғалар болды

🔶 Непалда қатты су тасқынынан кейін https://stan.kz/nepalda-qatty-su-tasqynynan-keiin-eki-qazaqstandyq-aiel-zogalyp-ketti-438929

🔶 Тоқаев Үкіметті отставкаға жіберді, десе де https://stan.kz/toqaev-ukimetti-taratty-438933

🔶 Бүгін Құрылтайдың алғашқы сессиясы өтті, Тоқаев сөз сөйлеп, тарихты тағы да тілге тиек етті, ол https://stan.kz/tarix-okpe-renispen-emes-ult-muddesin-kozdegen-synaiy-kozqaraspen-zazy-438936 екенін айтты, оған қоса президент https://stan.kz/toqaev-buu-qyzmetin-synga-aldy-438938/ айтты, сосын https://stan.kz/ondy-soldy-zumsalmaidy-toqaev-ulttyq-qordan-qarazat-ne-usin-alynatynyn-438937түсіндірді, https://stan.kz/toqaev-qazaqstanga-altyn-vizany-engizudi-tapsyrdy-438942 тапсырды

🔶 Кейін Құрылтай отырысы өтіп, https://stan.kz/quryltai-deputattarynyn-ant-beru-rasimi-bastaldy-438948жасырын дауыс беру арқылы https://stan.kz/aibek-dadebai-quryltai-toragasy-bolyp-sailandy-438955 болып сайланды

🔶 Ішкі істер министрлігі https://stan.kz/iski-ister-ministrligi-esirtkini-saqtagan-qazaqstandyqtardy-turmege-za-438922/ ұсынды, қазір құжат талқылауда

Петропавлдағы емханада ер адам дәрігерді ұрып жіберген

Оқиға 17 тамыз күні болған.

Полицияның мәліметінше, 51 жастағы ер адам қабылдауға келіп, дәрігермен сөзге келіп қалған. Дәрігер ескерту жасағаннан кейін науқас агрессивті әрекет танытып, оның бетіне соққы жасаған.

Ер адамның үстінен қылмыстық іс қозғалды.

📲Қазақстандықтар телефондарды тіркеу кезінде биометриялық сәйкестендіруден өтуге міндеттелмек

Жасанды интеллект және цифрлық даму министрлігі "Ашық НҚА" порталында міндетті биометриялық сәйкестендіруді енгізу туралы жаңа заң жобасын жариялады.

Жобаға сәйкес, енді Қазақстанда телефон сатып алған кезде құрылғы туралы ақпаратпен қатар, оны пайдаланатын немесе иеленетін адамның жеке мәліметтерін де растау қажет болады.

Жобада өтініш берушілер мен байланыс қызметтерін алғаш пайдаланушыларды биометриялық сәкестендіруден өткізу қарастырылған. Сондай-ақ мемлекеттік дерекқорлармен ақпарат алмасуды автоматты түрде жүзеге асыру жоспарланған.

Бұл ретте өтініш берушілердің биометриялық сәйкестендіруден нақты қалай және қандай жағдайларда өтетіні құжатта нақтыланбаған.

Елде есірткі сақтағандарды түрмеге жаппау ұсынылды

Мұны Ішкі істер министрлігінің өзі ұсынды. Олар сату ниетінсіз есірткі заттарды заңсыз алып, сақтап, тасымалдағандарға қатысты қылмыстық жазаны әкімшілік жазаға ауыстыруды ұсынды.

Ұсыныс былай:

🔶 Аз мөлшерде сату ниеті жоқ есірткі заттарды алу, сақтау немесе тасымалдау үшін 30 АЕК (129 750 теңге) айыппұл салу немесе тәркілеумен 10 күнге дейін қамауға алу;

🔶 Өндіру немесе өңдеу үшін айыппұл 40 АЕК (173 000 теңге) айыппұл салу немесе жабдықтарды тәркілеумен бірге 15 күнге дейін қамауға алу;

🔶 Бір жыл ішінде қайталанған құқықбұзушылық 50 АЕК (216 250 теңге) айыппұл салуға немесе 20 күнге дейін қамауға алуға әкеп соғады.

💔 Әскери бөлімнің 4-қабатынан сарбаз құлап кетті

Бұл оқиға Қонаев гарнизонындағы әскери бөлімдердің бірінде болған. Мерзімді әскери қызметкер терезеден құлап, жарақат алған. Ол оқиға орнынан бірден ауруханаға жеткізілген. Қазір оған қажет медициналық көмек көрсетіліп жатыр. Дәрігерлер оның жағдайын бақылауда ұстап отыр.

Ведомство мәліметінше, сарбаз қызмет өткеру жағдайына қатысты ешқандай шағым айтпаған. Бір күн бұрын ол ата-анасымен кездескен. Олардан да ешқандай шағым түспеген.

Аталған дерек бойынша қылмыстық іс қозғалды. Қызметтік тексеру тағайындалып, оқиғаның мән-жайы анықталып жатыр.