NASIYAT.UZ |Рәсмий канал

#мағлыўмат

Сүннет не?

Сүннетти үйрениўден әўел «Сүннет» сөзи не екенин билип алыў керек. Сүннет ҳәм ҳәдис бир-бириниң орнында ислетилип келинген сөзлер. Оларға және де дыққат қылсақ, ҳәдис арнаўлы мәниде, Сүннет улыўмарақ екени билинеди.
«Ҳәдис» арап тилинде «гәп-сөз» мәнисин аңлатады. Демек, ҳәдис дегенде Пайғамбар саллаллаҳу алайҳи ўасалламның айтқан гәп-сөзлери нәзерде тутылады ҳәм түсиниледи.
Ҳәдис илими менен шуғылланыўшы алымды муҳаддис деймиз. Муҳаддислер, тийкарынан, ҳәдисти Пайғамбарымыз саллаллаҳу алайҳи ўасалламнан қайсы жоллар менен, кимлер арқалы рәўият қылынып, өзлерине шекем жетип келгенин анықлайтуғын алымлар. Олар бул үлкен жуўапкершиликли исти әмелге асырыўда жүдә анық ҳәм исенимли жолларды таңлаған. Бул усыл ҳәм илимий жоллар инсаныят тарийхында улыўма инсаный (гуманитар) илимлерге негиз болған.
«Сүннет» сөзи, араб тилинде «тариқат – мәнаўий жол» мәнисин аңлатады. Пәленшениң сүннети дегени оның өмир жолы, дегени. Соннан келип шығып, Пайғамбарымыз саллаллаҳу алайҳи ўасалламның сүннети дегенде ол кисиниң өмир жолларын түсинемиз.

🌎Бизди социаллық тармақларда бақлап барың!

👇👇👇

Telegram |Instagram |Youtube

#мәнили_сөзлер

ИЛИМ

Муаз ибн Жабал разыяллаҳу анҳу илимге төмендеги тәрийпти берген: «Илим сапарда жалғыз болсаң ең жақын жолдас, жалғыз жасайтуғын болсаң ең жақын дос, теңизде адасып қалсаң туўры жол көрсетиўши маяқ, өмирдеги қуўанышлы ҳәм қапа күнлериңде қасыңда турыўшы ағайын, досларыңның алдында туўры мәсләҳәт берип турыўшы ўәзир, душпанларыңның алдында қорғаўшы әскер, жәннет жолын көрсетиўши минара».

🌎Бизди социаллық тармақларда бақлап барың!

👇👇👇

Telegram |Instagram |Youtube

#тымсал

Ешек терекке байлап қойылған еди. Шайтан келип арқанды шешип жиберди. Ешек сол жердеги атызға түсип, егинди басып, езип таслады.
Атыздың ийеси буны көрип қалып, таяқ пенен оның басына урды. Таяқ ешекке қатты тийип жерге қулады. Сол ўақытта ешектиң ийеси келип, ешегин урған адамды көрип, оған қолы менен бир муш урды ҳәм оның басын жарып қойды.
Сонда шетте бул ўақыяларды гүзетип турған бир адам шайтанға: "Нелер ислеп қойдың?" деди, шайтан: "Ҳеш нәрсе қылғаным жоқ, тек ешектиң жибин шешип жибердим", деди.

Бул қыссада шайтан деп айтқанымыз бул ҳәр бир бузғыншы адам. Айырым бир адамлар адамлардың арасына иртки салып, кейин усындай етип қызығына қарап турады.

🌎Бизди социаллық тармақларда бақлап барың!

👇👇👇

| https://www.instagram.com/nasiyatuz/?hl=ru | https://www.youtube.com/channel/UCuhaOiz-YrFBHpLv45Jiilw

#ўақыя #нәсият #пикир

Жораларымнан биреўи үйге келип "дәрт"ин шашты. Айтыўынша ҳаялында кеўли жоқ екен. Оның бул гәпине қатты ашыўым келди. Өйткени, үш перзентли адамның бундай гәплерди айтыўы мениңше оның еле ақылы толыспағанын, турмысқа шынтлы тәризде итибар бермейтуғын екенин билдиреди. Ашыўланғанымнан азмас индемей отырдым.
Кейин оған: "Сен өзи ҳаяллардың ким екенин билесең бе?", дедим.
Ол: "Ким болар еди, теректи бир тепсең, мыңы түседи ғо?", деди.
Мен: "Сен еле ҳаяллардың ким екенин билмейтуғын екенсең. Мына гәплеримди тыңла, ҳаяллардың ким екениң билесең", дедим:

Саған жақпай атырған сол ҳаялға сениң де көп қылықларың жақпайтуғын шығар, бирақ саған сабыр етип киятыр ғо...!

Сен қырыққа шыққанша усы гәпти айтып, оның үстинен шағым етип келип отырған ҳаял, жаныңнан артық көретуғын перзентлериңниң АНАсы...!

Саған жаманлығы болмаған, бирақ сен онша унатпайтуғын ата-ананың еркетай ҚЫЗы...!

Сен тилиңде ата-анамның хызметин қылып атырман деп, гердейип жүргениңде, негизинде ҳеш нәрсе де қылмай үйиңде телефоныңды шуқлап жатқаныңда, қартайған ата-анаңның хызметин қылып, ыссы-суўығына қарап, керек ўақтында шомылдырып та қоятуғын, сениң ата-анаңның туўған перзентлеринен жақын КЕЛИНи...!

Сен көшеде уялмай, ярым жалаңаш ҳаялларға қарап, оларға сөз атып жүргенде, үйиңде отырып иппет ҳәм ийманын сақлап, сениң, балаларыңның, ата-анаңның ден-саўлығын, ийманының пүтинлигин сорап дуўа етип отыратуғын ДУЎАГӨЙиң...!

Сен көшеде айырым тәрбиясыз балалардың қылықларына ашыўың келип, мыналардың: "Әке-шешеси жоқ па екен, тәрбия беретуғын?!", деп бирақ өзиң де балаларыңның тәрбиясы менен шуғулланбай атырғаның есиңде де жоқ ўақытта, үйиңде сениң зүрядларыңа әдеп-икрамлықты тәрбия берип атырған балаларыңның ТӘРБИЯШЫсы...!

Сен оның не затларды жақсы көриўин ойлап та көрмеген ўақтыңда, сениң қайсы аўқатларды жақсы көриўиңнен баслап, не нәрселерди унатыўыңа шекем ҳәмме нәрсениң дизимин ядтан билетуғын ҒАМХОРШЫң...!

Сен көшеде жораларың менен кафелерде аўқатланып келгенде, сени ойлап ең жақсы аўқатларды писирип, өзи жеместен сениң келиўиңди күтип отыратуғын АСПАЗың...!

Сен үйде не бар, не жоқ екенин ойлап та көрмей жүрген ўақтыңда, сениң айлығыңды бир айдан екинши айға жеткериўди ойлап жүрген ҒӘЗИЙНЕШИң...!

Сен жумыс тәшўишлеринен шаршап, үйиңе келгенде, сени ашық жүзлилик пенен күтип алатуғын ҮЙ БИЙКЕси...!

Сен бир неше күнлеп, жумыс пенен узақ жерлерге кеткениңде, келемен дегениңше түнлери көзлерине уйқы келмейтуғын, сениң үйиңди қорғайтуғын ҚАРАЎЫЛ...!

Сен көшеде еркекпен деп көкирегиңди керип жүриўиңе себепши болған ӨМИР ЖОЛДАСың...!

Мен: "Және айта берейин бе, ҳаяллардың ким екенин?", дедим. Сонда жорам, енди түсиндим, усындай ўақытта сендей жақсы нәсиятларды беретуғын адамды маған дос, мәсләҳәтши етип қойған Аллаҳға шүкир, деп үйине қайтты...

🌎Бизди социаллық тармақларда бақлап барың!

👇👇👇

| https://www.instagram.com/nasiyatuz/?hl=ru | https://www.youtube.com/channel/UCuhaOiz-YrFBHpLv45Jiilw

#ҳәдис

Бир адам Пайғамбарымыз саллаллаҳу алайҳи ўасалламнан:

«Исламның неси жақсы?», деп сорады.

Нәбий алайҳиссалам: «Тағам тарқатыўың ҳәм таныған-танымаған адамларға сәлем бериўиң», деди.

🌎Бизди социаллық тармақларда бақлап барың!

👇👇👇

| https://www.instagram.com/nasiyatuz/?hl=ru | https://www.youtube.com/channel/UCuhaOiz-YrFBHpLv45Jiilw

#рәўият

УМАР РАЗЫЯЛЛАҲУ АНҲУДЫҢ КЕЛИНИ

Умар разыяллаҳу анҳу әдеттегидей халықтың аўҳалын үйрениў ушын кеште қала көшелерин айлана баслады.

Бир үйге жақынлағанда ана менен қыздың сөйлесип отырғаны еситилди. Ықтыярсыз еситилген бул гәплер төмендегише еди. Анасы менен қызы сүт сатыў менен шуғылланады екен.

Анасы қызына: сүтке азмас суў қосып, сатайық, сонда сүтимиз көп болады, Умар разыяллаҳу анҳу буны билмейди, деди.

Сонда қызы: Апа, егер сүтке суў қоссақ, Умар разыяллаҳу анҳу билмеўи мүмкин, бирақ Аллаҳ таала буны көрип турыпты ғой, деди.

Умар разыяллаҳу анҳу ол қыздың инсап-ийманлы екенин билип баласы Абдуләзизге алып берди.

Кейиншелик булардан туўылған бала жәҳәнге өзиниң әдиллиги менен танылған, ҳәттеки халық оны әдиллиги ушын екинши Умар, деп атаған Умар ибн Абдуләзиз, дүньяға келди.

🌎Бизди социаллық тармақларда бақлап барың!

👇👇👇

| https://www.instagram.com/nasiyatuz/?hl=ru | https://www.youtube.com/channel/UCuhaOiz-YrFBHpLv45Jiilw

#дуўа

Аўырған ағзаның азарын кетириў дуўасы

Денемиздеги ағзалардан биреўи аўырса, төмендеги дуўаны оқыў арқалы иншаАллаҳ аўырған ағзаның азары кетеди.
Усман ибн Әбиўл Асс разыяллаҳу анҳудан рәўият етиледи:
Ол киси аўырғанын Расулуллаҳ саллаллаҳу алайҳи ўасалламға айтты. Сонда Расулуллаҳ саллаллаҳу алайҳи ўасаллам оған: «Денеңдеги аўырып турған жерге қолыңды қой, «Бисмилләҳ»ты үш мәрте айтып:
«Әъуўзу билләҳи ўә қудротиҳи мин шәрри мәә әжиду ўә уҳаазиру», деп жети мәрте айт», деди.
(Мәниси: Аллаҳтың аты ҳәм қүдрети менен өзимде табатуғын ҳәм жаман көретуғын нәрсениң жаманлығынан пана сорайман.)

Имам Муслим рәўияты.

🌎Бизди социаллық тармақларда бақлап барың!

👇👇👇

| https://www.instagram.com/nasiyatuz/?hl=ru | https://www.youtube.com/channel/UCuhaOiz-YrFBHpLv45Jiilw