ZTB - QAZAQSTAN

😳«Макрон, кет!»: Францияда 550 мың адам билікке қарсы шықты

17 қазанда Францияның бірнеше қаласында мыңдаған адам биліктің ішкі саясатына қарсы наразылыққа шықты. Билік дерегінше, шеруге шамамен 550 мың адам қатысқан. Ал 1200 адам тәртіпсіздік пен тонауға қатысы бар деген күдікпен ұсталған.

Францияның ішкі істер министрі Лоран Нуньестің мәліметінше, Парижде 110 мыңға жуық адам жиналған. Алайда шеруді ұйымдастырушылардың бірі - Жалпы еңбек конфедерациясы (CGT) қатысушылар санын 800 мың деп бағалады.

Наразылық акциялары Парижбен қатар Лион, Марсель, Тулуза, Лилль, Страсбург, Лимож, Бордо және Гренобль қалаларында өтті. Кейбір жерлерде шерулер тонау, өрт қою және мүлікті бүлдіру әрекеттеріне ұласқан.

Францияда соңғы апталарда өмір сүру құнының қымбаттауына байланысты наразылық күшейіп келеді.

Францияда наразылыққа шыққандар президент Эммануэль Макронға король XVI Людовиктің тағдырын еске салды. Шеруге қатысушылар кезінде корольдің басы шабылғанын айтып, қазіргі мемлекет басшысы да осындай жағдайға тап болуы мүмкін екенін меңзейтін ұрандар айтты.

«Макрон, Макрон, біз мұны қайталаймыз!» деп айғайлаған наразылық білдірушілер Париж көшелерінде президенттің отставкаға кетуін талап етіп жүр. Шерушілер қатарында мектеп оқушылары, студенттер және «сары жилеттер» қозғалысының өкілдері бар.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

😁Өзбекстанда баласының тәрбиесіне жауапсыз қараған ата-ана 15 тәулікке қамалуы мүмкін

Өзбекстанда балаларының тәрбиесіне жауапсыз қараған ата-аналарға 9 млн сумға дейін айыппұл салынып, 15 тәулікке қамауға алынуы мүмкін. Ел президенті ата-аналар мен қамқоршылардың жауапкершілігін күшейту туралы заңға қол қойды.

Жаңа заңға сәйкес, мынадай жаза түрлері қарастырылған:

🔺Баланы тәрбиелеу және оқыту міндеттерін орындамағаны үшін 5-10 БРВ мөлшерінде айыппұл салынады. Бір жыл ішінде қайталанса, айыппұл 10-15 БРВ-ға дейін өседі.
🔺Баланы діни білім алуға заңсыз тартқаны үшін 10-15 БРВ көлемінде айыппұл салынады. Құқықбұзушылық қайталанса, 15–20 БРВ айыппұл немесе 15 тәулікке дейін қамау жазасы тағайындалуы мүмкін.
🔺Баланың міндетті білім алуына кедергі келтіргені үшін 15-20 БРВ мөлшерінде айыппұл қарастырылған. Қайталанған жағдайда айыппұл 20-30 БРВ-ға дейін өседі немесе 15 тәулікке дейін қамауға алу жазасы қолданылады.

Ескерту: БРВ - Өзбекстандағы базалық есептік шама. Айыппұлдың нақты сомасы оның қолданыстағы мөлшеріне байланысты.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

😳Қазақстанда 2027 жылдан бастап автонесие алу қиындауы мүмкін

2027 жылдың 1 қаңтарынан бастап кейбір автонесиелерге қойылған жеңілдіктер тоқтатылуы ықтимал. Мұндай жағдайда банктер қарыз алушыларға қойылатын талаптарды қатаңдатуы мүмкін.

Қазір Қазақстанда қарыз жүктемесі коэффициентінің (ҚЖК) стандартты шегі 50% деңгейінде. Яғни ай сайынғы расталған табысы 400 мың теңге болатын адамның барлық несие бойынша төлемі, әдетте, 200 мың теңгеден аспауы керек.

Қазіргі уақытта кейбір автонесиелер бұл талаптан босатылған. Егер жеңілдік ұзартылмаса, 2027 жылдан бастап оларға да жалпы талаптар қолданылуы мүмкін. Алайда Ұлттық банк әзірге түпкілікті шешім қабылдаған жоқ.

📌Алғашқы жарнаға қатысты қандай талап бар?

Қолданыстағы ережелер бойынша ҚЖК шектеуінен босату үшін жүрілген көліктерге мынадай ең төменгі алғашқы жарна қарастырылған:

🔺Үш жылға дейінгі көлікке – құнының кемінде 30%-ы;
🔺Үш жылдан асқан көлікке – кемінде 50%.

Ал елде алғаш рет тіркелетін жаңа көліктер үшін бұл жеңілдік аясында ең төменгі алғашқы жарна мөлшері белгіленбеген. Дегенмен банктер өз талаптарын қоя алады. Егер жеңілдік тоқтатылса, алғашқы жарна төлеу қарыз алушыны қарыз жүктемесі коэффициентінің талабынан автоматты түрде босатпайды.

📌Неліктен талаптар қайта қарастырылып жатыр?

Ұлттық банктің мәліметінше, 2026 жылдың қаңтар-тамыз айларында Қазақстанда 1,2 трлн теңгеге автонесие берілген. Бұл өткен жылдың сәйкес кезеңімен салыстырғанда 22,9%-ға аз. Сонымен қатар автонесиелердің жалпы портфелі өсіп келеді. 1 қыркүйектегі жағдай бойынша оның көлемі 4,3 трлн теңгеге жетіп, бір жылда 16,3%-ға артқан.

Ұлттық банк жеңілдіктерді ұзарту мәселесін кредиттік портфельдің сапасы мен халықтың борыш жүктемесін ескере отырып қарастырып жатыр.

Бұған дейін рәсімделген несиелердің шарттары ықтимал өзгерістерге байланысты автоматты түрде өзгермейді. Ал жаңа автонесие алатын азаматтарға өтініш берген кезде қолданыста болатын талаптар қойылады.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

👀Алматыда жолаушылардың шағымынан кейін №118 автобусының қозғалыс кестесі өзгереді

Желіде №118 автобустағы жағдай жарияланды. Кадрлардан жолаушылардың шамадан тыс көптігінен автобус есігі жабылмай қалғанын көруге болады.

«Күн сайын жұмысқа бара жатқанда өзімді заманауи мегаполисте жүрген адамдай емес, консерві құтысына нығыздап тығып қойған еттей сезінемін. Адамдар баспалдақта салбырап тұрады. Жүргізуші кенет тежесе, дөңгелектің астына түсіп кетуіміз мүмкін», - деп жазды ол.

Алматы әкімдігі шағымға жауап беріп, қарбалас уақытта №118 автобустың қозғалыс кестесі әзірленіп жатқанын хабарлады.

Жаңа кесте автобустар арасындағы интервалды қысқартып, аялдамада күту уақытын азайтуға және жолаушыларға қызмет көрсету сапасын жақсартуға бағытталған.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

😳Түркияда су тасқынынан үйлер құлап жатыр

Түркияның Сакарья провинциясында су тасқыны салдарынан екі қабатты тұрғын үй өзенге құлап кетті.

Жағалауға жақын орналасқан ғимараттың іргетасын тасқын су шайып кеткен. Соның салдарынан үй санаулы секунд ішінде ағыны қатты өзенге опырылып түскен. Оқиға сәтін жергілікті тұрғындар видеоға түсіріп алды. Қазіргі уақытта зардап шеккендер туралы ақпарат жоқ.

Өңірде қатты дауыл соғып, жағдай күрделене түскен. Көршілес Сапанджа ауданында су тұрғын үй кешендерін басып, туристерге арналған бунгало үйлердің бірін ағызып әкеткен.

Тасқынға байланысты Сакарья, Ыстанбұл және тағы төрт провинцияның билігі мектептердегі дәстүрлі оқу сабақтарын тоқтатты.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

😳АҚШ-тағы мектептегі атыстан мұғалім мен үш бала қаза тапты

АҚШ-тың Орегон штатындағы бастауыш мектепте атыс болып, төрт адам көз жұмды. Күдікті - 16 жастағы жасөспірім. Бұл туралы Reuters хабарлады.

Қаза тапқан балалар бес, сегіз және 11 жаста болған. Тағы екі адам - жеті жастағы оқушы мен 54 жастағы мұғалім ауыр жарақат алып, ауруханаға жеткізілді.

Полицияның мәліметінше, жасөспірім мектепке кіріп, жабық есіктер арқылы оқ атқан. Кейін оның соңынан қаруланған жергілікті тұрғын қуған. Ақырында ол шабуыл жасаған жасөспірімді атып өлтірді.

Қазіргі уақытта оқиғаның мән-жайы анықталып жатыр.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

👀«Мұнда жалақы да аз»: Алматыдағы баға оңтүстіккореялық туристі таңғалдырды

Оңтүстік Кореядан келген турист қыз Алматыдағы күнделікті шығындарды Сеулдегі бағалармен салыстырып, таңданысын жасырмады. Оның айтуынша, Қазақстандағы кейбір тауарлар мен қызметтердің құны өз еліндегіден арзан емес, тіпті бірдей болып шыққан.

Турист әсіресе мейрамханадағы бағаға наразы болған. Оның сөзінше, 9 мың теңгеге алған тағамның порциясы өте аз болған. Бұған қоса, есепшотқа 10 пайыздық шайпұл қосылған.

Қызды Қазақстандағы бағалар мен жергілікті тұрғындардың табысы арасындағы айырмашылық та таңғалдырды. Ол кейбір шығындардың Сеулмен шамалас екенін айтып, мұндай бағаның қалай қалыптасатынына түсінбеген.

Туристің әсері әлеуметтік желіде талқыланып жатыр.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

😳Алматыда жасөспірімдер 11 жастағы баланы ұрып-соғып, аузы мен құлағына шикі балық тыққан

Алматыда 13-14 жастағы жасөспірімдер 11 жастағы баланы және ауладағы өзге балаларды қорлаған. Бұл туралы Threads әлеуметтік желісінің қолданушысы жазды.

Әйелдің айтуынша, жасөспірімдер оның ұлын аулада ұрып-соғып, аузы мен құлағына шикі балықты аямай тыққан.

Осы оқиғадан кейін баланың анасы полицияға арыз берді.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

👀Алматының экс-әкімі Ерболат Досаевтың жұбайы жаңа компания ашты

Forbes Kazakhstan рейтингтеріне енген Гүлнар Досаева 14 қазанда DOS&Co. Ltd. атты жаңа компанияны тіркеді.

Компания Астана халықаралық қаржы орталығында (АХҚО) тіркелген. Сипаттамасына сәйкес, ол холдингтік құрылым ретінде жұмыс істеп, еншілес және үлестес компаниялардың жарғылық капиталындағы үлестерді сатып алу мен иеленуге бағытталады. Сондай-ақ топтың стратегиясын үйлестіріп, еншілес құрылымдарға корпоративтік және әкімшілік қолдау көрсетеді.

DOS&Co. Ltd. компаниясының капиталы - 100 млн теңге. Оның жалғыз құрылтайшысы - Гүлнар Досаева.

2026 жылы Forbes Kazakhstan-ның ең ықпалды 25 әйелі рейтингінде ол 13-орынға, ал ең бай 25 әйел тізімінде 10-орынға жайғасқан. Басылым оның байлығын 61 млн долларға бағалаған.

Гүлнар Досаеваның бизнес активтерінің қатарында мұнай-газ сервистері, өнеркәсіптік инфрақұрылым, жер қойнауын пайдалану, тау-кен өндірісі, фармацевтика, білім беру және HR қызметтерімен айналысатын Lancaster Holding тобының үлесі бар.

Сондай-ақ ол Гауһар Қаппаровамен бірге люкс тауарлар саудасы мен онлайн сатылымға маманданған «G and G Гламур» және GGonline компанияларын иеленеді. Бұл компаниялардың Алматы мен Астанада 10 бутигі бар.

Гүлнар Досаева әлеуметтік жобаларға да қатысады. 2005 жылы ол жетім балалар мен ерекше білім беру қажеттіліктері бар балаларды қолдауға бағытталған «Дара» қорын құрған. Бұдан бөлек, Dos.community зияткерлік волонтерлік платформасын іске қосып, Нұрлан Каппаров атындағы қоғамдық қордың теңқұрылтайшысы болған.

Ол - Алматы қаласын 2022-2025 жылдары басқарған Ерболат Досаевтың жұбайы.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

😳Мәскеу Башар Асадқа баспана беру туралы шешімін өзгертпейтінін мәлімдеді

Ресей мен Сирия 2026 жылдың соңына дейін Хмеймим әуе базасы мен Тартус қаласындағы Ресей Әскери-теңіз күштерінің материалдық-техникалық қамтамасыз ету пунктінің мәртебесіне қатысты үкіметаралық келісімдерге қол қоюды жоспарлап отыр. Бұл туралы Ресей сыртқы істер министрінің орынбасары Георгий Борисенко RTVI телеарнасына берген сұхбатында мәлімдеді.

Дипломаттың айтуынша, Сириядағы Ресей нысандары іс жүзінде бірлескен оқу-жаттығу орталықтарына айналып жатыр. Онда сириялық әскери қызметшілерді де даярлау көзделген.

Сонымен қатар Георгий Борисенко Сирияның бұрынғы президенті Башар Асадқа Ресейден баспана беру туралы шешімнің өзгеріссіз қалғанын растады.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

😁Жұмыс істейтін әйелдер декреттік төлемнен қағылмайды

Құрылтай депутаты Ләззат Қожахмет 2027 жылғы 1 қаңтардан бастап күшіне енетін әлеуметтік жәрдемақы төлеу тәртібіне қатысты түсініктеме берді.

Депутаттың айтуынша, жұмыс істеп жүріп босанған әйелдерге алаңдауға негіз жоқ. Олар бала 1,5 жасқа толғанға дейін бұрынғы тәртіппен декреттік төлем ала береді. Бұл ретте отбасының табыс деңгейі ескерілмейді.

Ал жұмыс істемейтін әйелдерге қатысты жаңа талаптар енгізіледі. Енді оларға төлем отбасы мұқтаж деп танылған жағдайда ғана беріледі.

Ләззат Қожахметтің түсіндіруінше, егер отбасының күнкөрісіне жеткілікті табысы болса, ал әйелдің жұмыс істеуіне денсаулығы мүмкіндік берсе, ол әлеуметтік төлемнен қағылуы мүмкін. Мұндай жағдайда «А» және «Б» санатындағы әйелдерге төлем берілмейді.

Депутаттың мәліметінше, қазір «А» және «Б» санаттарына жататын 30 мыңнан астам әйел декреттік төлем алып отыр.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

😳«Қазақ тілі соңғы боп тұрмау керек»: Астанадағы Hilton қонақүйіне ескерту жасалды

Астанадағы Hilton қонақүйінде қазақ тілі ақпараттық тақтайшада соңғы орынға қойылғаны қоғам белсендісінің наразылығын тудырды.

Видео авторының айтуынша, қонақүй аумағынан шығар тұста орнатылған тақтайшадағы алғыс сөзі алдымен ағылшын, одан кейін орыс, ең соңында қазақ тілінде жазылған.

Осыған байланысты белсенді қонақүй әкімшілігіне барып, Қазақстанның «Тіл туралы» заңының 21-бабын түсіндірген. Заңға сәйкес, көрнекі ақпаратта алдымен мемлекеттік тіл, содан кейін орыс тілі, қажет болған жағдайда өзге тілдер қолданылуы тиіс.

📌Қонақүй әкімшісі Тимур ескертуді қабылдап, ақпараттық тақтайшаны бір апта ішінде заң талаптарына сай өзгертетінін айтқан.

Әлеуметтік желі қолданушылары да бұл жағдайға қатысты наразылық білдіріп жатыр. Кейбірі мемлекеттік тілді құрметтемегендерге айыппұл салуды және заң аясында шара қолдануды талап етті.

📹: akkozhindaulet

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

👀3 желтоқсанда Ақтөбеде мүмкіндігі шектеулі адамдарды қолдауға арналған келісілген митинг өтеді

Бейбіт жиынның өтетіні туралы белсенді Мұсағали Дауылов хабарлады. Митинг сағат 10:00-ден 11:55-ке дейін «Авиатор» саябағында өтеді.

Оның айтуынша, 3 желтоқсан - Халықаралық мүмкіндігі шектеулі адамдар күні. Ақтөбеліктер осы күні «адам қадір-қасиеті мен әлеуметтік әділеттілікті айқындайтын мәселелерді көтеруді» көздеп отыр.
Сонымен қатар жиында мына мәселелер талқыланады:
🔺мүгедектігі бар адамдардың әлеуметтік-экономикалық құқықтары мен оларға көрсетілетін қолдау;
🔺әр адамның лайықты өмір сүру деңгейі;
🔺бейбіт демократиялық реформалар;
🔺өзгерістерге қол жеткізудің заңды жолдары.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

@infoztb немесе https://wa.me/77779419900

@ztb_qazaq

👀Бақытжан Базарбек көлікпен қағып кеткен ер адам 24 күннен кейін комадан шықты

Мәжілістің бұрынғы депутаты Бақытжан Базарбекпен болған жол апатынан зардап шеккен Нұржігіт 24 күннен кейін есін жиды. Бұл туралы Базарбек Instagram парақшасында хабарлады.

Оның айтуынша, Нұржігіт есін жиып, жақындарын тани бастаған. Ол анасын, әйелін, балаларын, ағалары мен басқа да туыстарын таныған.

Қазір зардап шеккен азамат Таразда ем қабылдап жатыр. Онымен реаниматолог Ғамзат Мұсаев бастаған анестезиология және реанимация бөлімінің мамандары жұмыс істеуде. Дәрігерлердің айтуынша, Нұржигитке әлі де қарқынды ем қажет. Оған Денсаулық сақтау министрлігі де қажетті қолдау көрсетіп отыр.

Бақытжан Базарбек дәрігерлерге және Нұржігіт пен оның отбасына қолдау білдірген қазақстандықтарға алғыс айтты. Сонымен қатар БАҚ өкілдерін науқастың жағдайы туралы ақпаратты бұрмаламауға және расталмаған мәлімет таратпауға шақырды.

Еске салайық, жол апаты 15 тамызда Жамбыл облысындағы Батыс Еуропа – Батыс Қытай тасжолында болған. Полицияның алдын ала мәліметінше, Toyota көлігі жолдың жүріс бөлігінде тұрған 36 жастағы ер адамды қағып кеткен. Зардап шеккен азамат ауыр жағдайда ауруханаға жеткізілген.

Кейін Бақытжан Базарбек жол апатына қатысқанын растады. Аталған факті бойынша қылмыстық іс қозғалып, оқиғаның мән-жайы анықталып жатыр.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

😢Желдегілер аттың аузын қанатқан көкпаршыны жазалауды сұрады

VI Дүниежүзілік көшпенділер ойындарындағы көкпар кезінде аттың аузы жарақаттанғаны көрсетілген бейнежазба желіде қызу талқыланды.

Желі қолданушыларының бір бөлігі бұл жағдайға байланысты ойын өткізуге шектеу қоюды және атқа қатысты әрекет жасаған шабандозды жауапкершілікке тартуды талап етуде. Кейбірі Туризм және спорт министрлігіне «E-Өтініш» арқылы шағым түсіргенін жазған.

Ұлттық спорт түрлерінде жануарларды пайдалану рұқсат етілгенімен, Қазақстан Республикасының «Жануарларға жауапкершілікпен қарау туралы» заңына сәйкес, жануарларға қатыгездікпен қарауға, соның ішінде олардың жарақаттануына немесе денсаулығына зиян келтіруі мүмкін қасақана әрекеттерге тыйым салынған.

Көкпар кезінде аттың аузын жарақаттау заң талаптарына сай ма?

Бұл жағдайға қатысты әзірге ресми түсініктеме жоқ. Редакция мән-жайды анықтау үшін тиісті органдарға сауал жолдады.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

😍Қырғызстан Қазақстанның Көшпенділер ойындарындағы жеңісін мойындады

Садыр Жапаровтың баспасөз хатшысы қазақ елін құттықтады.

Қырғызстан президенті әкімшілігі Көшпенділер ойындарындағы жалпыкомандалық есепте Қазақстанның бірінші орын алғанын хабарлады. Мәлімдемеде медальдарды есептеу кезінде техникалық айырмашылық болғаны айтылған. Ұйымдастыру комитеті Қазақстанның үш спортшысының медальдарын жеке-жеке есепке алу туралы шешім қабылдаған.

Қырғызстан президенті Садыр Жапаровтың баспасөз хатшысы Аскат Алагозов Көшпенділер ойындарындағы жалпыкомандалық есеп бойынша Қазақстанның бірінші орын алғанын жазды.

Оның айтуынша, ұйымдастыру комитеті Қазақстанның үш спортшысының медальдарын есепке алу туралы шешім қабылдаған. Осы өзгерістен кейін жалпыкомандалық есепте Қазақстан көш бастады.

«Қазақ бауырларымызды жеңістерімен құттықтаймыз», - деп жазды Алагозов 7 қыркүйекте Facebook парақшасында.

Айта кетейік, Қазақстан құрамасы Көшпенділер ойындарында жалпы 74 медаль иеленді. Оның 32-сі - алтын.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

👀Қытай шекарасында енді жай ғана паспорт көрсету жеткіліксіз

15 қыркүйектен бастап Қытай шетел азаматтарының елге кіру және шығу кезінде құжаттарын тексеруді күшейтеді.

Көші-қон қызметкерлері жолаушыдан сапарының мақсатын сұрап, қажет болған жағдайда қосымша құжаттар мен электронды деректерді талап ете алады. Осыған байланысты қазақстандықтарға паспортын алдын ала тексеріп, әуежайға ұшудан кемінде үш сағат бұрын келу ұсынылады.

Қытай шекарасынан өткенде сапар мақсатын дұрыс әрі шынайы көрсету маңызды. Жалған құжат немесе жалған ақпарат ұсынған шетел азаматына елге кіруге рұқсат берілмеуі мүмкін. Ал бұған дейін көші-қон талаптарын бұзғандарға Қытайға 1 жылдан 5 жылға дейін кіруге тыйым салынуы ықтимал.

Қазақстан азаматтары үшін визасыз режим өзгермейді. Бір сапар барысында Қытайда 30 күнге дейін, ал әр 180 күн ішінде жалпы 90 күнге дейін визасыз жүруге болады.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

👀«Билікті басып алу туралы сөз болмаған»: «75 хат» ісінде куәгерлер жауап берді

Бішкек қалалық соты «75 хат» ісі бойынша куәгерлерден қосымша жауап алды. Бұл туралы адвокат Акынбек Ногоев мәлімдеді.

Қорғаушы Эмилбек Узакбаевтың айтуынша, куәгерлер тергеу кезінде жауап алу хаттамасына оны оқымай қол қойғанын айтқан. Ал сотта олар билікті күшпен басып алу туралы ешқандай әңгіме болмағанын мәлімдеген. Куәгерлер өз сөздерінің бұрмаланғанын айтты.

Сонымен қатар қол жинауға қатысқан тағы 3-4 адам анықталып, олар да сотта жауап берген. Адвокаттың сөзінше, бұл адамдар қылмыстық жауапкершілікке тартылмады.

Қорғау тарапы аталған жайттар сот-лингвистикалық сараптама қорытындысында ескерілмегенін айтып, қайта сараптама тағайындауды сұраған. Алайда сот өтінішті қанағаттандырмады.

Сот іс материалдарын зерттеп болған соң, түстен кейін тараптардың жарыссөзіне көшеді.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

😳Майами әуежайында Amazon жүк ұшағы апатқа ұшырады

Amazon Prime Air компаниясына тиесілі Boeing 767-300 жүк ұшағы Майами халықаралық әуежайына қону кезінде ұшу-қону жолағынан шығып кетіп, апатқа ұшырады. Оқиға салдарынан бірнеше адам зардап шеккен.

Апаттан кейін әуежайдағы ұшу-қону және рулеж жолдарының барлығы уақытша жабылды. Осыған байланысты рейстер кешігуі немесе тоқтатылуы мүмкін екені ескертілді. Ұшақ Пуэрто-Рикодағы Сан-Хуан қаласынан келген. Әуе кемесін Amazon үшін 21 Air жүк тасымалдаушы компаниясы пайдаланған.

Amazon жергілікті билікпен бірлесіп, апаттың мән-жайын анықтап жатқанын хабарлады.

АҚШ Федералдық авиация басқармасы оқиғаның себептерін анықтау үшін тергеу жүргізеді. Соңғы дерек бойынша апаттан бес адам қаза тапқан.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

😁Дариға Назарбаева туған күнде көзге түсті

Нұрсұлтан Назарбаевтың үлкен қызы Дариға Назарбаева Гүлмира Кенжеболатованың туған күнінде халық назарына ілікті. Бұл туралы әнші Толқын Забирова парақшасында бөлісті.

«Осы кеште Дариға Нұрсұлтанқызымен де кездесудің сәті түсті. Диссертация қорғаған жылдары Бірінші Президент қорының бізге, ғылымға ұмтылған жастарға көрсеткен қолдауы ерекше еді. Монографияларымызды шығаруға мүмкіндік берді. Сол қолдаудың маңызы біз үшін өте зор болды. Сол үшін рахметімді айтып, алғысымды білдірдім», - деп жазды Забирова.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

👀Бауыржан Байбектің 90 млн теңгелік сағаттары ұрланды: толық мағлұмат

Астанада Алматының бұрынғы әкімі Бауыржан Байбекке тиесілі жалпы құны 90 млн теңге болатын қымбат сағаттар ұрланған. Күдікті түпнұсқалардың орнына алдын ала сатып алған көшірмелерін қалдырып кеткен.

Полиция мәліметінше, оқиға Байбек отбасы шетелде болған кезде болған. 31 жастағы күдікті бұрын оның көмекшісінің көмекшісі болып жұмыс істеген және үйдегі заттардың орналасуын жақсы білген.

Ер адам қызметтік көліктен алған қосалқы кілттер арқылы үйге кіріп, Breguet, Blancpain, Hublot, Jaeger-LeCoultre және A. Lange & Söhne маркалы сағаттарды көшірмелерімен ауыстырған.

Отбасы елге оралған соң сағаттардың түпнұсқа емес екенін байқап, полицияға хабарлаған. Күдікті көп ұзамай ұсталып, қылмысын мойындады. Сондай-ақ ол ұрланған сағаттарды сатып алған адамның кім екенін айтқан.

Қазір күдікті уақытша ұстау изоляторына қамалды. Аталған факті бойынша сотқа дейінгі тергеу жүріп жатыр.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

😳Леңгірде бетперде киген бірнеше адам үйге кіріп, әйелді таңға дейін ұрған

Түркістан облысының Леңгір қаласында бетперде киген бірнеше адам тұрғын үйге басып кіріп, әйелді байлап, бірнеше сағат бойы ұрып-соққан. Бұл туралы қоғам белсендісі Айгүл Орынбек әлеуметтік желідегі парақшасында (Facebook) жазды.

Белсендінің айтуынша, оқиға түнгі сағат 02:00 шамасында болған. Бірнеше адам маска тағып, үйге кіріп, әйелді байлап, таңғы сағат 05:00-ге дейін ұстап отырған. Осы уақыт аралығында оны ұрып-соққан деген ақпарат бар.

Оқиғадан кейін шабуыл жасағандар үйден кетіп қалған. Әлеуметтік желіде жарияланған видеода зардап шеккен әйелдің бет-әлпеті көрсетілген. Оның бетінде ісік, жарақат және қан іздері байқалады. Алайда видеода шабуылдың өзі емес, оның салдары түсірілген.

Айгүл Орынбек болған жағдайды тұрғындардың қауіпсіздігіне қатысты алаңдатарлық белгі деп бағалап, полициядан шабуылға қатысы бар адамдардың барлығын анықтап, істің мән-жайын жан-жақты тексеруді сұрады.

«Бүгін зардап шеккен әйелдің үйіне кіргендер ертең кімнің есігін қағады?» деген белсенді құқық қорғау органдарын істі толық әрі ашық тергеуге шақырды.

Әзірге Түркістан облысының полиция департаменті оқиғаға қатысты ресми ақпарат берген жоқ. Күдіктілердің ұсталғаны туралы да расталған мәлімет жоқ.

Оқиғаның нақты себептері, шабуылдың мотиві және оған қатысы бар адамдардың кім екені әзірге белгісіз. Соңғы құқықтық бағаны тергеу нәтижесі бойынша құқық қорғау органдары береді.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

😍Мемлекет басшысы қазақстандық дзюдошыларды құттықтады

Қасым-Жомарт Тоқаев қазақстандық дзюдошыларды жастар арасындағы әлем чемпионатында қол жеткізген тарихи нәтижесімен құттықтады.

Қазақстан құрамасы аралас командалық жарыста чемпион атанды. Жекелеген бәсекеде Ғабит Расулхан, Фатима Сұпығалиева және Әділжан Жаудинов алтын медаль жеңіп алды.

Жалпы есепте ұлттық құрама 4 алтын, 3 күміс және 4 қола медаль иеленіп, ел дзюдосы тарихындағы ең үздік нәтижеге қол жеткізді.

Президент сондай-ақ Халықаралық дзюдо федерациясының президенті Мариус Визермен сөйлесіп, Қазақстанда дзюдоның дамуына қосқан үлесі үшін алғыс білдірді.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

👀Шалқар көліндегі жартасқа шетелдіктер «Санкт-Петербург» деп жазып кеткен

Шығыс Қазақстан облысындағы Шалқар көлінде шетелдік туристер жартасқа «Санкт-Петербург» деп жазып кеткен. Олардың әрекетін куәгер видеоға түсіріп, әлеуметтік желіге жариялаған.

Бейнежазба желіде тарағаннан кейін оқиға қызу талқыланды. Полиция туристерді анықтап, олармен түсіндіру жұмыстарын жүргізген.

Кейін жартасқа жазылған сөздер өшірілді.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

😳«Ұйықтап жатыр!»: Алматыда тазалық қызметкерлерінің демалғаны сынға қалды

Алматыда әйел «Алматы Тазалық» қызметкерлерінің жұмыс уақытында демалып отырғанын видеоға түсіріп, әлеуметтік желіге жариялаған.

Алайда бұл әрекет желі қолданушыларының наразылығын тудырды. Көпшілік тазалықшылардың таңнан бастап көшелерді тазалап, қаланың көркін сақтауға үлес қосатынын айтып, олардың еңбегін құрметтеуге шақырды.

Желі қолданушылары қызметкерлердің қысқа уақыт демалуынан гөрі, күнделікті атқаратын ауыр еңбегіне назар аудару керек екенін жазды.

«Алматы Тазалық» қала аумағының едәуір бөлігін күтіп-ұстаумен айналысады. Кәсіпорын қызметкерлері көшелерді, тротуарларды, арықтар мен қоғамдық орындарды тазалайды.

Әзірге қала әкімдігі мен полиция бұл жағдайға қатысты пікір білдірмеді.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

«Әділет» партиясы 71,8% дауыс жинады: exit poll нәтижесі

Еуразиялық интеграция институты жүргізген exit poll қорытындысы бойынша, Құрылтай депутаттарын сайлауда «Әділет» партиясы көш бастады.

Дауыс беру нәтижелері:

◼️ «Әділет» - 71,8%;
◼️ «Ауыл» - 6,4%;
◼️ Respublica - 5,4%;
◼️ ОСДП - 5,2%;
◼️ «Ақ жол» - 5,1%;
◼️ ҚХПК - 3%;
◼️ «Байтақ» - 1%;
◼️ Бәріне қарсы - 2,1%.

📌Бұл - exit poll нәтижелері. Сайлаудың түпкілікті қорытындысын Орталық сайлау комиссиясы жариялайды.

Егер Құрылтайға өткен осы бес партияның арасында дауысты пропорционалды түрде есептесек, 145 орын бойынша алдын ала бөлініс шамамен былай болады:

🔺 «Әділет» - 112 орын;
🔺 «Ауыл» - 9-10 орын;
🔺 Respublica - 8 орын;
🔺 «Ақ жол» - 8 орын;
🔺 ОСДП - 7-8 орын.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

👀Назарбаев денсаулығына байланысты Құрылтайға дауысты үйінде берді

Нұрсұлтан Назарбаев жақында бел омыртқасына жасалған отадан кейінгі денсаулық жағдайына байланысты Тұңғыш Президент өз дауыс беру құқығын үйде жүзеге асырды, - делінген баспасөз қызметінің хабарламасында.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900

👀Тоқаев Құрылтай депутаттарын сайлауда дауыс берді

Президент Қасым-Жомарт Тоқаев Қазақстан Құрылтайы депутаттарының сайлауына қатысып, №520 сайлау учаскесінде өз таңдауын жасады.

Дауыс бергеннен кейін Мемлекет басшысы бүгін Қазақстан үшін тарихи күн екенін атап өтті.

«Біз алғаш рет бір палаталы Құрылтайға сайлау өткізіп жатырмыз. Бұл – маңызды тарихи оқиға. Біртұтас ұлт ретінде бірігіп, ауқымды реформаларды жүзеге асырып келеміз. Бүгінгі сайлау – осы үлкен жұмыстың бастауы ғана», - деді Қасым-Жомарт Тоқаев.

Президенттің айтуынша, елде жүргізіліп жатқан реформалар аясында маңызды нәтижелерге қол жеткізілген. Алайда алда атқарылатын ауқымды жұмыстар мен маңызды міндеттер әлі көп.

❗️ Құрметті оқырман, қандай да бір оқиғаның куәгері болсаңыз, ақпаратты, фото-видеоны біздің нөмірге жолдаңыз👇🏼

https://t.me/infoztb немесе https://wa.me/77779419900